大排檔小炒 (華發大廈)

Open Now

Now Closed

位於銅鑼灣駱克道嘅大排檔小炒，坐喺室內都能夠食到咁有鑊氣嘅小炒，絕對衷心推薦比大家。呢度嘅環境都好舒適，地方好乾淨，座位亦都好寬敞，而且店員嘅服務態度都非常之良好☺️呢度嘅食物份量都幾大，我哋叫咗一個煲仔飯，入面有臘腸，膶腸同椰菜，而且做到有飯焦。招牌菜拔絲咕嚕肉，我本身已經好鍾意食咕嚕肉，呢度做得好唔錯，肉質夠靚。果汁嘅甜酸度亦都適中。仲有個魚香茄子煲，熱辣辣，我好鍾意鹹魚嗰陣香味，好正。份量亦好多。最後一個係黃金單骨雞翼，鹹蛋黃味濃郁，邪惡蛋滿足。外層炸得好鬆脆，值得一試。