Jagger

Open Now

Now Closed

今晚同frd黎尖沙嘴食個飯。jagger主要賣西餐，比起酒吧佢比較似cafe，d裝修好modern。意式蒜香牛油汁配藍青口及蜆:藍青口同蜆新鮮，無沙，份量都唔少，配4塊多士，搭配上濃郁嘅意式蒜香牛油汁，幾唔錯。避風塘風味蜆墨魚麵:蜆嘅鮮甜同墨魚麵嘅彈牙完美結合，兩者嘅味道互相融合，同埋幾香辣。同埋難得d麵唔會食到成口都係黑色，如果約會都唔會太尷尬。碳燒加拿大有骨豬鞍扒:豬鞍扒口感好嫩滑，肉質鮮美多汁。碳燒味調味剛剛好。佢已經切好左係bite size，方便我呢d懶人。叫左2杯mocktail，YuNi同 fresh green。2杯都有mint所以好清新，唔會太甜。整體食物質素幾高，同埋舒服好坐，餐廳外面都有d位坐。