星橋居酒屋

Open Now

Now Closed

今晚約左舊同事去中環一間日式居酒屋食下串燒消遣一下，揀咗呢一間望落好新淨環境幾舒服嘅居酒屋。可能係平日夜晚緣固人流唔多。📍雞皮餃子🥟雞皮內釀入豬肉餡再落油炸至金黃，入口香脆多汁，蘸上師傅特調的蒜香蛋黃醬，十分惹味，充滿心思同手藝嘅小食❤️📍九條蔥豚肉卷燒得表面金焦香嘅薄豚肉，包著爽嫩嘅日式大蔥條，豬肉嘅肉汁同蔥嘅清香配搭得天衣無縫… 肉味濃厚中帶蔥香餘韻，真係佐酒佳品👍🏻📍鹽燒雞翼燒雞翼無人不愛，雞翼外皮燒到薯片咁脆，雞肉保持香濃肉汁，咬落鹹香脆口，一食就知道師傅嘅燒烤功力深厚！📍雞肉大蔥雞肉嫩滑，同燒香過嘅大蔥係絕配😇另外點左四款壽司🍣 炙燒左口魚裙邊、油甘魚、赤身、三文魚子軍艦。每款壽司都非常新鮮鮮甜，特別喜愛左口魚邊燒過之後魚油迫晒出嚟入口即溶💖總括而言，居酒屋嘅所有食物都好高質素，以後有機會一定要再黎試埋佢嘅清酒！