至尊滿屋日本料理 (Closed)

約了舊同學去聚會丫，在旺角心思思唔知食乜好，去到瓊華就碰運氣選了這間日式放題店，試過又幾好喎，就此留名推薦一下 放題店必食項目當然是刺身拼盤啦！三文魚肥美肉厚，甜蝦大隻鮮甜，鮑魚片爽口彈牙，北寄貝亦算可口，食放題起碼要兩三轉拼盤先夠滿足！唯一要彈就係刺身切得較為薄身，如果厚切大塊些就無得頂喇其實呢幾日身體不適，所以今日就食熟食多，個人覺得至尊滿屋的熱食其實都做得頗為出色：芝麻雞翼：雞翼肉質鮮嫩，不覺有雪藏味，配上芝麻香令雞翼炸得恰到好處，吃入口不會覺得油膩蒜香牛肉粒：牛柳粒肉質豐富，肉味濃厚，而且不會有過量的「肥糕」！蒜片亦整得香脆好味，配上牛柳粒一起吃，更能將滋味感提升，讓口腔充滿濃濃的香蒜味和牛柳香呢！咖哩蟹：份量略為細隻，而且得半邊蟹蓋不過吃入口又感覺到蟹肉肉質細嫩，咖哩原有的香辣味又不會蓋過蟹肉本身的鮮甜味，吃埋蟹蓋僅有的蟹膏亦不失為一個滋味選擇焗蠔：原隻大件的生蠔，經過忌廉芝士烤焗之後，原來是人間一大美食！焗蠔即叫即製，放上枱還是熱的！而且配上野菌、洋蔥等食材，加上濃濃的芝士香，絕對是配料十足，口感豐富！簡直可以一試再試，百吃不厭服務周到，永無甩單