澳洲牛奶公司

Open Now

Now Closed

數下手指，原來都有六年未黎過呢度食。見個FD聽日走，就同佢黎呢度試下啦。下午三點幾，都唔算多人既。都搵到個坐得落既位既。炒蛋、火腿呢個真係至尊啊，雖然成日食大記既早餐，但呢個炒蛋真係好食過大記好多。呢度既炒蛋都唔係加左太多牛油，都可以炒得咁滑，絕對唔可以同既炒蛋比。火腿都可以既，煎得幾好食。多士係原塊既厚多士，我特登要多油、因為多油係好食，而且多士好脆口。我真係好鍾意食呢種厚多士，而家無乜機會有得食。叉燒通粉叉燒好多舊，通粉又夠爽。而且個雞湯湯底好清甜，真係好正。凍杏汁燉蛋難得黎到，就叫埋呢個食。個蛋好夠滑，加埋杏汁就更好食。凍奶茶普普通通啦，今次就落得太多奶。而且個杯係之前既熱飲杯size。呢餐真係好好味，又好飽。我最佩服既係呢度做野既效率，你食定野，唔使十幾秒就幫你收左佢。難怪一日可以做到咁多轉。好想再有下一次。希望我個fd去到北京繼續努力啦。