至尊滿屋日本料理 (Closed)

又到左食放題既時間啦！因為突然好想食，所以就揀左間最近既放題上去食！八點零中去到，人好多，差不多滿座！一坐低唔理甘多啦，即刻填野食先！嘩！食物紙有兩本，好多野揀，由a至z都有甘濟，食物甘多，一定食到飽飽！除左可以去雪櫃拎包裝飲品外，仲可以叫特色飲品，係其他放題都未見過有，like正！可以叫呢個牌字雪糕，呢個係街買都要三十幾蚊一杯！不過每人只可叫一杯。都正常，任叫咪蝕晒本好喜歡呢款雪糕，味道好濃，不過較甜赤虾好大只，唔腥，啖啖肉！炸物剛炸起，好熱，好脆，唔會擺到凍晒榴櫣炸彈好味！好好味！外邊好鬆脆，入面既榴櫣好香濃，好滑流，口味無窮！紫薯波外邊似係用南瓜整，入面係芋頭蓉，甜甜地。蟹籽沙律一上枱時好香既青瓜味，好fesh！有好多既蟹柳同蟹籽，成杯份量唔會太多，一兩人食剛好！香芒壽司好多料，飯唔多，有芒果、又有甜蛋又有蟹籽，加左芒果清新好多，正！甜品有brownie、朱古力慕絲、撻、藍梅慕絲等。最喜歡朱古力慕絲同brownie，好濃既朱古力味，唔會話好甜，好滑流！無漏單，收拾都快，唔錯唔錯！