牛匠石燒 (Closed)

石燒牛Lunch set 價錢豐儉由人，最平有$98，名貴啲有和牛 (約$200)。套餐包沙律、麵豉湯同白飯。白飯大碗，女仔食左一半都好夠飽，麵豉湯內有蔥味玉子，幾足料。會送上牛脂肪比客人塗勻石板，冇咁易燒燶。石板傳熱都好快，牛肉放上去十幾秒就轉色。另附兩款特製醬汁，生薑芝麻汁咸味重啲，個人中意果味燒汁，酸酸地，點牛食更開胃。🔸嚴選封門柳拼一口牛定食 $108每次見到都必叫，無論石燒、韓燒定打邊爐...首推封門柳!! 封門柳係全隻牛，肉味最濃既部位，脂肪唔多，但點煮都唔易過靭，食落帶點嚼勁。一口牛就肥啲，但牛肉味都OK。🔸鹽蔥牛舌拼牛五花定食定 $108薄切牛舌有彈性，牛五花脂肪比例多啲，食落較軟腍。中意加埋啲椰菜絲一齊煎，吸晒牛味，食啲菜又冇咁有罪惡感。🔸和風脆炸豆腐 (+$18)似台灣既百葉豆腐，一層層清晰可見，豆味幾濃，外層卜卜脆。🔸八爪魚蔥玉子 (+$15)係甜既玉子，加甜甜地既八爪魚，女仔會幾中意。但得一件，好唔夠喉。CP值高，$20唔使，有約500ml台式飲品。芝士奶蓋濃稠甜蜜，飲落有少少似煉奶，拌埋清新既茶，岩岩好。🔸雪芝茉莉蜂蜜 (有芝士奶蓋) (+$18)🔸桂花果釀四