聚來車仔麵

Open Now

Now Closed

不嬲都好鍾意喺深水埗搵嘢食，其實除咗滿街都係一式一樣嘅文青Cafe之外，仲有好多立區多年，人情味滿滿嘅小店。「有緣相聚，歡迎再來」係聚來車仔麵取名之由。店內除咗見到唔少「家」呢個詞語之外，仲可以親眼見到溫馨滿滿，三代同堂嘅畫面。唔知有冇聽錯，由放咗學，校服都未換嘅表姐教表弟功課呢啲畫面，我以為呢個年代只會喺以前嘅粵語殘片入面見到。年長嘅姨姨叔叔一句「小姐，請慢用。」「得你一個人嘅？慢慢食啊。」喺現今社會餐廳用餐，實屬非常罕見。招牌鮮肉丸食得出洋蔥和豬肉嘅鮮甜味。沒有過多師傅調味，食完唔會好口渴。個人認為仲好食過傢俬肉丸。椰菜餃子真係好似媽媽包既味，食多幾隻都冇負擔。要特別一提咖喱汁係葡式咖喱，椰香味重，是我喜愛的咖喱。短短半小時嘅個人用餐，除咗真係有家的味道之外，仲有滿滿嘅人情味。