聚來車仔麵

Open Now

Now Closed

位於深水埗基隆街的「聚來車仔麵」，係一間開業已經5年的車仔麵店。餐牌上主打不同配料的港式車仔麵、車仔飯、秘製咖喱飯及自家製煎餃等等食物招牌煎餃餐廳自家製的韭菜餃，每隻都煎得金黃色，外脆內軟，勁多韭菜豬肉餡，好足料，肉汁豐富！生根、豬紅、生菜配米粉及秘製辣醬米粉爽口幼滑，好掛湯～配料揀咗豬紅、生根及生菜🥬配上秘製的蒜蓉辣醬，微微辣，都幾惹味肥牛、豬皮、燒賣、魚肉春卷配油麵及咖哩汁豬皮軟腍又入味；肥牛啖啖肉，春卷同燒賣都口感彈牙，幾好食👍🏻配上咖喱汁及油麵，滋味飽肚之選爆漿阿華田西多士即叫即製的爆漿阿華田西多士，表面灑滿阿華田粉，非常邪惡！西多士厚薄適中，香脆鬆軟，中間夾心餡塗滿朱古力榛子醬，香滑濃郁，甜而不膩凍奶茶港式凍奶茶入口絲滑，紅茶同淡奶嘅黃金比例恰當剛好

之前黎開深水埗呢邊食cafe，經過呢間車仔麵見到都人流唔少，果次食完就過黎八下睇下有咩特別，見佢唔止有車仔麵食，仲有其他野，同埋都有d明星黎食過，就搵日再過左黎試啦😛餐廳環境幾乾淨，類似茶餐廳冰室咁既坐位，枱上有佢地自己整既辣菜脯比客人自己落😁車仔麵麵底（$12）牛腩（$14）豬大腸（$14）雞翼尖（$10）呢度既車仔麵配搭好多元化，無論麵底定餸，諗得出既都基本上有，湯底仲有多款醬汁選擇，我就揀左腩汁，三款餸我都覺得揀岩，牛腩肉嫩，豬大腸大大粒，最正係個雞翼尖，整得好入味🍜招牌煎餃8隻（$45）煎餃有3款口味，韮菜豬肉，椰菜雲耳豬肉，芝士粟米，我地揀左雙拼椰菜同韮菜，芝士粟米就要加$3，佢地個餃子好有驚喜，裡面充滿肉汁，真係用皮簿餡靚黎形容都不為過🥟爆漿阿華田西多士（$38）呢個西多士都係佢地既招牌，餐廳牆身貼既西多士相出黎，賣相好吸引，西多士既中間係滿滿既流心奶，好正，個西多士可以揀花生醬或榛子醬，榛子醬就要加$2，我地都照揀榛子醬，覺得咁先夾個西多士，佢佈滿曬阿華田粉，啖啖都食到香濃既阿華田味😋凍檸茶（跟餐+$8）就係普通一杯茶記凍檸茶，冇咩特別🍹呢間車仔麵店估唔到佢其他食物係咁有

★爆漿阿華田西多士★ $40內餡可以揀榛子醬/花生醬招牌必點♥️係邪惡max的配搭😈阿華田脆脆+朱古力醬+流心奶+蛋香西多士+朱古力榛子醬朱古力星人最愛，超濃厚阿華田衝入個口度！每一啖都有阿華田脆脆，包保持鬆軟又有蛋香！PS☆ 其實小編四五年前就試過呢間嘅西多！！當時都未有其他餐廳嘗試呢種配搭，應該算係原創品🥹★招牌煎餃6隻★ $37鴛鴦餃不用加錢！揀咗椰菜+韭菜超級推介🤍一定要點！！！～兩邊都煎到超脆(๑>◡<๑)點用左少少生粉煎，見到有微微雪花❄️餃子皮薄內餡好多汁，食落好實淨，特別推介椰菜餡好清甜！★自選車仔麵★・牛筋、魷魚、蘿蔔 (低脂高蛋白之選) $49牛筋同魷魚都係低脂高蛋白之選～份量都幾多，牛筋煮到好腍好入味！魷魚一啲都唔韌，好彈牙爽口（≧∇≦）蘿蔔推介☆感覺到係新鮮好清甜，完全冇筋，吾係煮到好攔個種♡又有膳食纖維同維他命C試左朋友嘅牛腩唔會全部都係肥肓，半肥瘦花紋好平均(//∇//)幼麵質軟硬適中，唔係超難咬斷嗰種★黑白華田脆脆特飲★ (跟餐) +$12$12真係超抵飲，白華田同平時嘅阿華田好似，不過白華田係牛奶麥精，阿華田會多咗朱古力味～面頭加左大量阿華田

【 深水埗人情味車仔麵 】具有人情味嘅店舖賣少見少， 就算連小區社區餐廳都未有。 家庭式經營嘅聚來車仔麵先劇透 —— 阿華田 花生西多士意外地係重點！深水埗呢間由一家人打理嘅小店雖然位置唔係地鐵直出行少少說到，但有佢嘅魅力。食飯時會見到老闆同家人喺度招呼客人、仔女坐埋一邊做功課，有講有笑，好似去咗朋友屋企食飯咁。只要食客問問題，老闆們就會開「傾計模式」。😂🍜今次餐單：🔸 車仔麵：牛筋、牛柏葉、白菜餃、豬紅、黑木耳、蕃薯粉、瑞士汁牛筋同牛柏葉得入味，木耳爽脆，白菜餃皮薄餡靚，蕃薯粉少彈牙🍜🔸 第二碗：豬大腸、鹵水雞臀、魚片頭、炸魚皮、生菜、河粉、腩汁豬大腸爽唔羶，炸魚皮酥脆，雞臀鹵得入味，河粉吸腩汁。🥤 凍檸茶（兩杯）🍞 阿華田花生西多士 無意之中牆上嘅 西多士海報覺得幾吸引，所以就嗌。外脆內香，重點係中間夾咗暖笠笠嘅流心阿華田醬，加埋花生醬，甜而不膩，咬開會爆醬，唔好太熱食。 車仔麵店冇諗到重點去咗西多士😂。下次經過深水埗，記得入去坐低食碗麵，飲杯凍檸茶，再嚟件阿華田西多士， 同老闆們傾計，就會明白「有緣相聚，歡迎再來」。

深水埗作為傳統舊區之一，好處係出晒名好多特色小店，等緊大家去發掘😎如果各位出開嚟行黃金、鴨寮街一帶，行到攰之後花多幾分鐘去到基隆街呢一邊搵食醫肚，就會嚟到呢間聚來車仔麵😜三餸車仔麵車仔麵最好嘅地方就係可以揀食咩餸配搭🥳今次揀咗香辣魷魚、手打魚肉、牛筋，三款都係平時比較少機會食到嘅，好滿足呀😍👏招牌煎餃子 (8隻雙拼)餐廳另一特色係煎餃子，大家可以睇到皮薄餡靚，口感做到外脆內嫩😝唔好俾餐廳嘅舖頭名呃咗，以為呢度只係凈係食車仔麵🤣好多人都係為咗佢哋嘅阿華田西多士慕名而來架😈除咗阿華田西多士之外，仲提供好多款阿華田主題嘅茶記產品可以選擇😜主角出場，賣相勁誘人🥳令人急不及待即刻切開🤩切細佢可以慢慢品嚐🤤

外國朋友來港，緊係要帶朋友仔去食港式車仔麵同煎餃子啦😁😁車仔麵🍢 餸料組合：魚肉春捲＋香辣魷魚＋咖哩魚蛋雞翼尖，上枱就聞到濃烈嘅咖哩混辣汁香氣，睇見都流口水😁魚肉春捲咬落去魚肉餡好彈牙，點埋辣汁好惹味😋 香辣魷魚爽口唔韌，醃得夠入味， 咖哩魚蛋經典港式風味彈牙“正” 配上油麵底煮得剛剛好，爽口唔會太淋，索盡秘製辣汁＋咖哩汁，每啖都係濃郁暴擊！ 🍛 咖哩雞球飯港式風味，偏甜帶微辣，椰香濃郁，撈飯一流！雞球份量足，肉質嫩滑，不過有1-2舊稍為乾身。薯仔煮到粉糯，完全吸收咖哩精華，汁量夠多，可以輕鬆KO成碟白飯！ 跟餐送熱飲❤️ 椰菜雲耳豬肉煎餃外皮金黃微脆，冇過多油分，咬落脆底夠薄，餃皮唔會太厚差啲漏汁！ 如果鍾意食辣，可以試吓辣菜脯撈埋一齊食超惹味！ 🌶️聚來車仔麵 深水埗基隆街172號地舖

同家姐去珠仔街買嘢後，去決定食車仔麵。見到一間店舖都坐左好多人就入去試試。鴛鴦煎餃韭菜豬肉煎餃和椰菜雲耳豬肉煎餃外皮香脆，內餡鮮嫩，韭菜清香與豬肉鮮甜完美融合，汁水豐富。而椰菜爽脆，雲耳彈牙，豬肉鮮香風味濃郁，令我一口接一口，超滿足！車仔麵湯底濃郁，咖喱魚蛋彈牙，牛腩軟嫩入味，雞翼尖鮮香誘人，雞翼尖勁好味，一定要試。車仔麵滿載港式街頭風情！大愛🫶🏻🫶🏻佢既辣椒醬都偏辣，但惹味爆漿阿華田朱古力榛子西多士濃香阿華田朱古力混搭榛子配上西多士，爆漿口感驚艷，甜度適中不膩，入口絲滑，令人滿足！一口咬下，幸福感爆棚，完美甜品之選，為晚餐畫上完美。

今日比呢間車仔麵嘅阿華田西多士吸引左！所以我就算飽到暈都照嗌照食晒🤣▫️車仔麵車仔麵每個餸唔同價錢，而我就最鍾意豬既餸🤣豬皮都發得幾大件入味，唔會臭油益同埋好似出邊嗰啲細細舊薄切切豬腸洗得超乾淨！唔會食食吓有一粒粒💩豬紅同冬菇，都係正常水準而個油麵就煮得啱啱好依然有口感唔會Over Cook!▫️自家製芝士粟米餃子 唔鍾意韭菜太大陣味可以試吓呢個！食落唔會好漏入邊有少少洋蔥，所以超香💗大推薦✨▫️爆漿阿華田西多士多士上面佈滿晒阿華田粉，而中間就有少少淡奶融合埋一齊就好似平時飲緊嗰啲阿華田咁樣，但係又唔會水汪汪啱啱好可以吸晒啲阿華田而個多士又唔會好乾，又唔會太甜✨而中間夾心可以揀花生醬或者朱古力醬（+$2）佢哋仲有士多啤梨味同埋原味可以選擇

聚來車仔麵是深水埗區頗具人氣且口碑良好的車仔麵餐廳，適合喜歡地道港式車仔麵的食客前往品嘗。油麵、豬手、豬大腸、豬紅搭配豬骨湯底加咖喱汁的味道，讓人感受到鮮濃層次與香辣的獨特風味。豬手燜煮入味且膠質豐富，豬大腸滷製得入味，外皮煙韌而內裡微軟肥美。豬紅質地爽口，富有彈性。油麵口感爽滑且帶彈性，能很好吸附湯汁，使整體味道更濃。幼麵、豬紅、豬皮、雞翼、豬骨湯底配沙嗲汁：沙嗲汁與豬骨湯的濃郁底蘊相輔相成，豬紅與豬皮帶來不同的膠質口感，幼麵吸收醬汁，雞翼則提供香脆嫩滑的層次，使這道菜風味平衡且美味誘人。招牌鮮煎餃子：芝士粟米餃子的外皮煎得金黃酥脆，一口咬下去，濃稠香滑的芝士和玉米粒的內餡正緩緩流出，十分惹味！

這間車仔麵讓我感到有家的感覺，店員與食客都好融洽，感覺店主特格錫小朋友，會詢問夠唔夠，還特意加飯給他，好窩心☺️先點了 「招牌煎餃」 椰菜雲耳，韭菜豬肉，每件都帳卜卜，而且脆口，好野味🤗快速地食哂6隻🤪「蔥油豬扒煎蛋飯」可揀配蛋，腸仔，五餐肉，我揀左煎雙蛋，是濃邊又水汪汪的太陽蛋，超正🤩 有兩塊煎豬扒配上蔥油更滑嫩👍🏻「車仔麵」 3餸： 牛柏葉，熟到剛好令到更爽脆，雞翼尖，入晒滷水味，正！最後加左生菜，養生一下😌 仲加左秘製辣醬👍🏻👍🏻

Fish balls in curry, sausages and seaweed noodles 咖喱魚蛋🥘、芝士腸、紫菜米線🍜 $39有好多餸菜自由配搭嘅車仔麵絕對係餐廳招牌菜✨，超級受食客歡迎，今次叫咗夠晒彈牙又煮得入味嘅咖喱魚蛋🍢、裏面有半溶化芝士嘅芝士腸🫕同埋健康嘅紫菜，確實幾好食，值得推介👍🏻Cart rice with 3 sides 車仔三餸飯 $47特色嘅車仔三餸飯可以按自己嘅喜好自由配搭餸菜，今次揀咗補血嘅豬紅、惹味港式咖喱魚蛋🌶️同埋高質素秘製瑞士雞中翼🍗，配上套餐包埋嘅飲品，性價比好高，而且味道唔錯Fried stuffed three treasures 煎釀三寶 $27有代表性嘅煎釀三寶分別有煎到香噴噴嘅豆腐、超級腍生身嘅茄子🍆同埋煎豆卜，每一舊嘅面頭都有少少新鮮鯪魚肉🐟，食落去味道一啲都唔腥，同煎釀三寶一齊食好match啊

不嬲都好鍾意喺深水埗搵嘢食，其實除咗滿街都係一式一樣嘅文青Cafe之外，仲有好多立區多年，人情味滿滿嘅小店。「有緣相聚，歡迎再來」係聚來車仔麵取名之由。店內除咗見到唔少「家」呢個詞語之外，仲可以親眼見到溫馨滿滿，三代同堂嘅畫面。唔知有冇聽錯，由放咗學，校服都未換嘅表姐教表弟功課呢啲畫面，我以為呢個年代只會喺以前嘅粵語殘片入面見到。年長嘅姨姨叔叔一句「小姐，請慢用。」「得你一個人嘅？慢慢食啊。」喺現今社會餐廳用餐，實屬非常罕見。招牌鮮肉丸食得出洋蔥和豬肉嘅鮮甜味。沒有過多師傅調味，食完唔會好口渴。個人認為仲好食過傢俬肉丸。椰菜餃子真係好似媽媽包既味，食多幾隻都冇負擔。要特別一提咖喱汁係葡式咖喱，椰香味重，是我喜愛的咖喱。短短半小時嘅個人用餐，除咗真係有家的味道之外，仲有滿滿嘅人情味。

去黃金商場前要搵地方醫肚，朋友話有間餐廳，入面有個爆漿流心阿華田西多士，仲要係網上cap左圖比我睇，我呢d螞蟻人一見到就立即心心眼，對於呢類甜品，真係完全沒有拒絕的能力。一踏入餐廳，已經見到寫住給你家的味道，充滿親切感。店內裝修簡潔，職員也很親切。爆漿阿華田西多士 – 麵包炸到非常脆口，中間一切開已經見到流心漿傾瀉出來，味道濃郁而又不過份甜。白華田脆脆特飲 – 初頭飲時，覺得味道稍為淡薄，但之後就越飲越有味道，配埋朱古力脆脆，口感和味道都十分豐富。車仔麵 – 選擇了牛筋、豬頸肉和魚肉春卷，這三款餸都很不錯，尤其是牛筋夠軟淋。湯底味道都幾有驚喜。

今日喺小店試咗車仔麵同阿華田流心西多士，真係太滿足啦！車仔麵湯底鮮美，配料又多，牛腩同豬紅特別入味，每一口都係幸福感爆棚！🥰 阿華田流心西多士更加驚喜，外脆內軟，咬落去流心嘅巧克力超濃郁，配埋一杯港式奶茶，真係完美下午茶組合！☕️🍞 而且個店環境都幾舒服，服務態度好，讓人覺得好有親切感。真係好適合同朋友傾計或者一個人靜靜享受美食。今次美食體驗令我心情大好，強烈推薦大家試下，特別係對於鍾意港式小食嘅朋友！下次一定再來，期待再試多啲其他美味！✨

諗住淨係嚟食碗車仔麵？噉你就miss咗好多好嘢食啦😌‼️ 雖然佢個名寫「車仔麵」，個人認為更值得要試佢嘅煎餃同特色多士😍🥟招牌煎餃（12隻）平時我鍾意食湯餃多啲，因為好驚有啲舖煎到又乾又油又熱氣，但呢度嘅煎餃令我會想encore!!😋今次嗌咗韮菜豬肉 + 粟米芝士（雙拼），兩款都好足料，韮菜嗰款一咬就爆汁，好juicy，芝士嗰款雖然唔係拉絲，但好濃芝士味，好creamy💖 🍜三餸車仔麵今次嗌咗豬頸肉、肥牛、生菜公仔麵，再加沙嗲汁，餸嘅份量都幾足料，至於沙爹汁好香，偏向蒜味重～🍞阿華田多士 $40個個都話嚟呢度一定要試，所以飽飽地都照嗌咗🙈 有得揀入面係花生醬定榛子醬，今次揀咗後者～ 雖然阿華田味一早預想到，但佢嘅流心效果同埋落粉份量都好邪惡，好滿足🤤 兩個人唔覺意就輕鬆清晒😎📍聚來車仔麵 (深水埗)深水埗基隆街172號地舖