287
14
4
5-min walk from Exit A2, Sham Shui Po MTR Station
continue reading
Telephone
23918033
Introduction
Delightful cart noodles provide a variety of ingredients. Surprisingly, you can order Ovaltine French Toast here, which is as delicate and delicious as a dessert restaurant.
continue reading
Additional Information
歡迎外賣自取
Opening Hours
Today
11:00 - 21:00
Mon
Closed
Tue - Sun
11:00 - 21:00
Above information is for reference only. Please check details with the restaurant.
💁♀️💁♂️ 14/4/2023(Fri), Dinner🍽深水埗近年除咗多咗啲文青咖啡店，其實都有好多地道既特色小店值得去試，為食妙妙🙋♀️同A先生🙋♂️今晚就嚟到基隆街既聚來車仔麵，佢地除咗車仔麵之外，爆漿西多士都係呢度既名物，今晚一於睇吓係咪咁爆漿先😋😋😋。而今晚我地order咗：🔆 車仔麵（米粉配豬大腸、豬耳同埋雞翼尖，腩汁加秘製辣醬中辣）（$46）店家既滷水味道醇厚，所以滷出嚟既食物吸收咗滷水既味道而變得入味好食。豬大腸清潔得乾淨👍👍👍，食落沒有多餘既脂肪；豬耳爽口好食，滷得入味而且份量都好多；雞翼尖同樣都係入味好食，入口輕輕就可以骨肉分離。車仔麵湯底用上雞骨及豬骨煮成，飲落清甜唔口渴，加入腩汁令味道多一個層次。不得不提既係店家自家製既蒜蓉辣醬，用匙羹🥄放喺碗入面，食落好香蒜蓉味，亦唔會太辣，加落湯入面或點嚟食好惹味。每枱既枱面都放有一樽，食得辣既可以再添。🔆 招牌鮮炸肉丸（$32）用上新鮮豬肉同碎蔥頭製作，即叫即炸所以上枱時熱焫焫。肉丸入口鬆化帶少少油份，加咗碎蔥頭增添香氣，再點埋泰式甜辣醬，好快又俾我地清晒。🔆 爆漿草莓🍓西多士（$38）賣相粉紅色，好吸引既一件西多士。西多用上兩片方包🍞，中間塗上士多啤梨🍓果醬，炸成金黃色既西多士，之後再喺中間壓一個凹位，加入煉奶調製既“爆漿”，最後灑上大量粉紅色既士多啤梨🍓糖霜。上枱時好香士多啤梨🍓既味道，用刀🍴一切，中間既“爆漿”就傾瀉出來，視覺效果一流。食落就有幾重既士多啤梨🍓味道，包括有中間既果醬，同埋面層既糖霜。🔆 凍檸水檸檬大片又唔澀，不錯。🔆 凍奶茶奶味同茶味平衡得都幾好，無話偏向一邊，雖然係車仔麵店，但杯奶茶都有質素。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：❤❤❤❤❤(5/5)❤🙆♀️(為食妙妙)整體食評：❤❤❤❤❤(5/5)👉🏻 價錢實惠，味道又好，性價比高既餐廳A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 餐廳位處既基隆街有少量錶位🅿️👉🏻 深水埗站行過嚟都係10分鐘左右路程，尚算方便🔆🔆🔆🔆🔆🔆🔆🔆🔆🔆🔆🔆🔆
continue reading
再嚟到深水埗旺區，睇完電子嘢之後又係時候醫下肚，周圍都係餐廳，喺無從入手之下，都係食返香港最有特色嘅車仔麵， 😍位於基隆街嘅聚來車仔麵夠晒吸引，除咗面之外，仲有一系列小食，值得推介😏椰菜雲耳豬肉煎餃— 🥟呢一度嘅煎餃同樣出色，當然就係即叫即煎，🥟煎完之後見到個皮就係吸引人嘅金黃色，少少脆，加咗雲耳之後裏面嘅餡料變得更加爽，🐽點埋汁就更突出豬肉嘅鮮味🐽芝士粟米煎餃— 🥟唔食豬肉嘅話就絕對要試吓呢一款創新嘅餃子，🥟拉絲芝士再配埋粟米，🌽本身已經鹹中帶甜，再加埋金黃色，煙煙韌韌嘅皮極好𡁻🧀車仔麵— 🍜有幾款餸係呢一度比較熱賣，包括牛腩，牛筋牛柏葉同埋水魷魚。🍜絕對係牛魔王嘅福音， 特別係牛筋牛腩份量非常足料，大大條嘅牛筋骨膠原飽滿，🥩牛腩最緊要就係肉質唔柴，仍然透出好似啱啱熟咗嘅嫩紅色，至於牛柏葉同埋水魷魚夠晒爽，🥩本身冇乜味嘅情況之下，就要靠呢一度自家製嘅秘製辣醬，裏面就包含咗蒜蓉同辣椒經典組合，鮮味十足辣度狠勁，🌶️至於個湯底亦都有唔少選擇，當然最推介都係豬骨雞湯，清清地夠鮮甜🍜聚來車仔麵 (深水埗)深水埗基隆街172號地舖
continue reading
好耐冇食車仔麵，「聚來車仔麵」喺網上口碑唔錯，仲有佢哋招牌「華田西多士」一直都好想試，今次就同朋友過嚟食午餐簡單蔟新的裝修感覺舒服，有別於舊式車仔麵舖除咗車仔麵同西多士，仲有港式小食、餃子同飯類供應，定價合理車仔麵可選辣度，跟熱飲$5️⃣、凍飲/汽水$7️⃣、特飲$1️⃣0️⃣==========🔹自選車仔麵 (至少一麵三餸)牛腩 $14、香辣魷魚 $14、韭菜餃 $11、菜底 $12菜底可選生菜或菜心，生菜翠綠新鮮牛腩有腩衣位，炆得腍滑香辣魷魚為水魷，爽口又辣得過癮韭菜餃皮薄餡滿，韭菜香不錯湯底清清哋唔油膩，小辣辣度就個人而言係剛好==========🔹自選車仔麵 (至少一麵三餸)牛筋 $14、肥牛 $12、手打魚肉 $11、粗麵 $10牛筋炆煮時間恰好，保持口感肥牛大片軟嫩，牛味不錯手打魚肉口感彈牙，帶淡淡魚香粗麵份量充足易入口==========🔹爆漿阿華田西多士 $35 (朱古力榛子醬 +$2)第一次品嚐阿華田味道的西多士西多士厚薄適中，軟熟濕潤，甜甜的食完令人心情愉悅==========免加一服務費整體令人感覺乾淨衛生，食物質素符合預期
continue reading
大隻仔今次覓食嘅店舖就係💥 聚來車仔麵 💥 大隻仔想食阿華田西多士好耐，但唔係每一間都好食，問過朋友邊間好食，朋友推介「聚來」，今日終於食到期待已久嘅阿華田西多士。😋😋餐廳名字「聚來」原來解作「有緣相聚，歡迎再來」。餐廳老闆、員工都好有禮貌，服務周到，老闆建議大隻仔西多士當甜品後上。而且價錢平，食物質素高，值得支持嘅小店，推薦。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 秘製蔥油扒飯套餐 $49（香煎雞扒飯 + 腸仔 + 煎蛋 + 熱鴛鴦）甜豉油+煎蛋+蔥油，真係冇得輸，超級好食，撈飯一流，食多一碗飯都仲得。腸仔唔鹹，雞扒煎得岩岩好，嫩滑多汁，雞皮煎到少少脆，好好食，雞扒冇雪味而且醃得夠入味。👍👍大隻仔真心推介「蔥油雞扒煎蛋腸仔飯」😍😍😋 熱鴛鴦 $0咖啡味重，奶茶味唔太突出，但味道唔差。🔥 兩餸車仔麵 $38 （包熱飲/凍飲+$3）（瑞士雞翼+雞腎+紅薯粉+瑞士汁+凍檸茶）好抵食，紅薯粉唔需要額外加錢，而且包飲品都係$38。瑞士雞翼超入味，入口唔需要用力咬就已經骨肉分離。雞腎夠淋帶少少爽口，好食。紅薯粉夠Q彈，唔會過淋，吸晒瑞士汁湯底，鹹鹹地帶微甜，好好食。配有2條爽口唐山菜。另外可以加入少量辣菜脯，增加味道。😋 凍檸茶 $3茶底夠濃，有三大片厚檸檬，味道足夠。🔥 招牌煎餃 🥟 - 雙併 $42 八隻（韭菜豬肉、芝士粟米 +$3）韭菜豬肉餃子 - 外皮煎得香脆，入面多肉汁，韭菜好香，豬肉夠新鮮，食得出唔係用急凍豬肉。芝士粟米餃子 - 有少少拉絲，入面好多粟米。另可配上餃子酸醋，解油膩。🔥 爆醬阿華田西多士 $35（朱古力榛子醬 +$2）一上枱睇見已經好開心，未食已經聞到好香既阿華田味。西多士中間係流心煉奶淡奶，再灑滿阿華田粉，超級邪惡。西多士外皮炸到金黃色，麵包中間夾滿朱古力榛子醬。切開西多士就會好似熔岩般流出煉奶淡奶，打卡一流。最好嘅食法就係將西多士浸滿中間嘅醬汁，極邪惡但又好好食。😋😋大隻仔超級推薦「爆醬阿華田西多士」😍😍
continue reading
呢排突然好想食西多士.因為已經好耐無食.但依家好難搵到一間好食好香蛋味嘅西多.食西多士最仲要係糖漿及牛油.趁熱食.係最好食！今次揀咗深水埗覓食.綱上好多人贊緊一間車仔麵小店.于是乎便決定試吓這間綱紅小店！嚟到深水埗基隆街門口見到舖內座位全部Full 哂.唯有排隊.大蓋等咗十五分鐘.已經可以入座.呢度環境都幾好.近門口位置牆身有一幅牆畫.寫住：我的麵「給你的家的味道」地方都整潔乾淨.呢度嘅爆醬流心西多.好出名.便決定要一份試吓！今日點餐如下：1. 爆漿阿華田西多士 X1 $33元 拼榛子醬加 $2元2. 招牌鮮煎鴛鴦餃子.韮菜拼芝士粟米 X1 42元3. 車仔麵兩餸套餐 X1 $35元 豬手拼蘿蔔. 麵底要蕃薯粉.咖喱汁. 餐飲： 熱鴛鴦邪惡爆點：爆漿阿華田西多士.外層灑滿哂成個西多面頭.中間有個圓形嘅氹仔.氹仔圈圈入面滿滿嘅煉奶.樣子好似就嚟要爆瀉出嚟咁.切開進食有一陣陣煉奶.阿華田及榛子醬味道.甜甜好香濃啊！經典之作.招牌鮮煎鴛鴦餃子.韮菜拼粟米芝士餃.每一樣餃子都有四隻.合共有八隻.外皮香脆可口.餃內多汁！車仔麵兩餸套餐.揀選咗豬手拼蘿蔔.蕃薯粉底🚶🏻♂️👉📌聚來車仔麵 (深水埗)深水埗基隆街172號地舖
continue reading