CHEF STAGE de Eddy Chu (Closed)

早排有朋友喺印尼過嚟，因為嗰邊比較少有西餐食，所以梗係帶佢去一啲可以望到香港夜景嘅地方食飯，咁啱有朋友介紹呢間餐廳仲會有得聽住歌食飯添。 唔想諗咁多我就直接揀咗個二人套餐，另外都加咗個海鮮拼盤。 海鮮拼盤方面有兩隻生蠔八爪魚味噌鮑魚等等。海鮮拼盤入邊我最鍾意食嗰個鮑魚，唔算好鮮甜不過呢味道腌得好正係咪味噌嚟嘅 頭盤嘅話就揀咗芒果沙律，酸酸甜甜咁都幾開胃。湯方面係蘑菇湯，呢個超級推介有好香嘅黑松露味，口感都好豐富因為蘑菇切左超級細粒唔係剩係得湯仲有咬口。主食方面我哋就揀咗牛脷同埋牛扒，牛脷超級大舊，調味都啱啱好，不過就建議俾多啲汁啦因為份量好大嘅關係去到後期唔夠汁點。總括嚟講今次嘅體驗幾好望住好靚嘅維港跟住又可以聽住歌食飯，見到有啲情侶慶祝，同男朋友嚟食都唔錯。