Video
Read full review
2021-08-30
10936 views
每年聖誕節我哋一家都一定會去酒店食自助餐嘅，自我懂事開始就無改變，而普慶buffet係我私心推介，因為其性價比絶對比同級同價嘅酒店為高。凍海鮮、肉檔、刺身、熟食、串燒、麵檔、中式區、甜品、飲品區應有儘有，食物出品有水準，唔會差，就咁已經係價回票價。凍海鮮：生蠔有法國 / 新西蘭 / 美國，由於客人太多，有8成都係開定嘅，每人每次限攞3隻，都叫做creamy同清殼碎清得幾仔細所以條龍都好鬼長下；波士頓波龍蝦多膏但肉質有啲實；蟹腳新鮮鹹味適中，都夠肥大👍，麵包蟹蟹膏都夠甘香👍小龍蝦無試，琵琶蝦夠夾彈，但無乜味：青口就正正常常，但唔靭嘅；凍蝦都夠大隻同彈牙。涷海鮮來貨係幾好。凍盤區：芝士都係啲大路野，4-5款，餅乾乾果都有比你配搭；Ham同cold cut好齊，自已睇相；醃菜醃魚都有，沙律都有唔少款。刺身：帶子 / 油甘魚 / 希靈魚 / 三文魚 / 吞拿魚 / 立魚 / 八爪魚，全部都正正常常。肉檔：原隻火雞，有啲鞋身，但都叫有肉汁，火雞嚟講叫好食；肉眼7成熟，等中間位攞；乳豬皮夠脆夠juicy！熟食：雞粥同喇沙好味👍，片皮鴨皮脆肉嫩👍，其他都係正常野，無乜特別。。。甜品：其本有M字頭雪
凍海鮮：生蠔有法國 / 新西蘭 / 美國，由於客人太多，有8成都係開定嘅，每人每次限攞3隻，都叫做creamy同清殼碎清得幾仔細所以條龍都好鬼長下；波士頓波龍蝦多膏但肉質有啲實；蟹腳新鮮鹹味適中，都夠肥大👍，麵包蟹蟹膏都夠甘香👍小龍蝦無試，琵琶蝦夠夾彈，但無乜味：青口就正正常常，但唔靭嘅；凍蝦都夠大隻同彈牙。涷海鮮來貨係幾好。
凍盤區：芝士都係啲大路野，4-5款，餅乾乾果都有比你配搭；Ham同cold cut好齊，自已睇相；醃菜醃魚都有，沙律都有唔少款。
刺身：帶子 / 油甘魚 / 希靈魚 / 三文魚 / 吞拿魚 / 立魚 / 八爪魚，全部都正正常常。
肉檔：原隻火雞，有啲鞋身，但都叫有肉汁，火雞嚟講叫好食；肉眼7成熟，等中間位攞；乳豬皮夠脆夠juicy！
熟食：雞粥同喇沙好味👍，片皮鴨皮脆肉嫩👍，其他都係正常野，無乜特別。。。
甜品：其本有M字頭雪糕，自家制甜品好味👍，蛋糕餅撻都有好多選擇，有法國傳統的聖誕樹幹蛋糕(Bûche de Noël)，好睇又好食，有多款自家製朱古力。
飲品：有Prosecco、Wine、紅豆冰、菠蘿冰、紅牛等懷舊特飲比你任拎！
服務：姐姐收碟好快，係扒檔師父態度麻麻，舊肉眼得返頭頭尾尾乾哂，迫我要埋，或者火雞，都唔肯切舊新，明明仲有原條攞係度！！！
總括嚟講，性價比真係幾高，我本身依二年都食過佢超過7-8次，至於聖誕buffet早於11月初左右book位🤦唯一問題係嘅待應服飾令到我覺得好飤係茶餐廳食緊飯咁啫，其餘整體都幾滿意。但網上太多Haters話佢性價比唔高，我都叫食得多buffet，無乜邊間同價錢又有咁多野食，個場又大嘅可以同佢比。每次講親都只係會講性價比不足，又講唔出邊間會比佢更高性價比得嚟又好食嘅。
Post
