Olive Cafe (新領域廣場) (Closed)

同朋友喺荃灣食飯，佢話知道有一間食石燒嘅餐廳好食又抵食，一定要帶我去試吓😆我哋叫咗兩個午餐石燒share嚟食，一個係$68嘅「Olive牛扒150g」，一個係$50嘅「Olive秋刀魚兩條」；午餐包沙律、是日餐湯、日本珍珠米飯，自助無限量供應😁今日餐湯係蕃茄雜菜湯，有相當多蔬菜喺裏面，幾好味。沙律菜好新鮮，沾上芝麻沙律醬幾好食😋牛扒先上，熱辣辣香噴噴，黑石超級熱，自己可以控制牛扒生熟程度。牛扒軟熟好juicy，幾好牛味😋秋刀魚有兩條，啱啱一人一條，魚肉結實，落啲檸檬汁，更加清新可口😋朋友同我都叫咗熱咖啡，又香濃又幾滑😋