金記冰室 (Closed)

今朝一早起身同朋友到西環試下金記冰室, 好彩冇咩人, 唔洗排隊。  入到去, 見到一幅中國畫, 係舊金記搬過黎架!同埋牆上貼滿多份關於筲箕灣金記光榮結業既報紙報道。成間餐廳既裝修好有冰室懷舊感覺!衛生方面, 相比茶餐廳都算打掃得乾淨。望一望餐牌, 見到我最鐘意既沙爹牛肉福字麵, 即刻叫左個金牌早餐配凍奶茶。 d 牛肉都算新鮮, 湯底夠濃, 餐肉又唔係煎得太燶。 個杯奶茶既奶同茶既比例岩岩好, 好香滑。 我朋友就叫左個金記乙茶餐, 有火腿通粉、火腿奄列同熱奶茶。個火腿奄列十分豐富, 有好多火腿。 總括黎講, 個早餐好食又抵食!下次一定要試下其他食物, 特別係馳名馬來咖喱飯, 聽講d咖喱好有椰香味。