Video
Read full review
2019-04-16
68 views
今次帶熱愛漢堡嘅男朋友嚟呢間有九百幾個讚嘅餐廳試下。因為我地都10點半先嚟到，所以唔洗排隊，入到去有職員指示你坐邊然後放低餐牌俾你，因為呢間餐廳係唔收加一，所以基本上係冇服務，你唔好期望職員會同你笑，另外要你自己去收銀落單同先俾錢後享用。呢度嘅漢堡係冇餐嘅，所有嘢都係散嗌。喜歡燒菠蘿嘅我見到冇個菠蘿牛肉漢堡，第一時間問下職員菠蘿係咪燒菠蘿，佢答我係，於是就興致勃勃地嗌左個菠蘿煙肉牛肉漢堡（因為有煙肉冇煙肉係同價🤣）一嚟到已經俾佢巨大嘅size嚇親，你就咁睇呢張相可能唔覺得咩一回事，但當你一拆散佢.....厚到咁嘅牛肉漢堡扒我真係第一次見。佢仲要係超juice，但我果塊就咁岩有啲筋同有軟骨，呢樣係我覺得要扣分嘅位置，而啲菜同蕃茄都好新鮮。失望嘅係菠蘿唔係燒嘅，係普通罐頭菠蘿，但都酸甜又多汁。喺呢度嘅菠蘿蕃茄扮演嘅角色好重要，因為佢解膩，咁大舊牛肉真係好飽，我兩點食完嘢隔左八個鐘先嚟食先勉強食得晒。由於男朋友係芝士控，所以佢就嗌左個最基本嘅芝士牛堡，除左牛咪重，同樣地都係有生菜蕃茄。睇住佢切開時個牛肉不斷流汁真係好不可思議。芝士控嘅佢當然唔炒得嗌埋個芝士扭扭薯條，佢食完個牛堡嗌好飽都仲努力
呢度嘅漢堡係冇餐嘅，所有嘢都係散嗌。喜歡燒菠蘿嘅我見到冇個菠蘿牛肉漢堡，第一時間問下職員菠蘿係咪燒菠蘿，佢答我係，於是就興致勃勃地嗌左個菠蘿煙肉牛肉漢堡（因為有煙肉冇煙肉係同價🤣）
一嚟到已經俾佢巨大嘅size嚇親，你就咁睇呢張相可能唔覺得咩一回事，但當你一拆散佢.....
厚到咁嘅牛肉漢堡扒我真係第一次見。佢仲要係超juice，但我果塊就咁岩有啲筋同有軟骨，呢樣係我覺得要扣分嘅位置，而啲菜同蕃茄都好新鮮。失望嘅係菠蘿唔係燒嘅，係普通罐頭菠蘿，但都酸甜又多汁。喺呢度嘅菠蘿蕃茄扮演嘅角色好重要，因為佢解膩，咁大舊牛肉真係好飽，我兩點食完嘢隔左八個鐘先嚟食先勉強食得晒。
由於男朋友係芝士控，所以佢就嗌左個最基本嘅芝士牛堡，除左牛咪重，同樣地都係有生菜蕃茄。睇住佢切開時個牛肉不斷流汁真係好不可思議。
芝士控嘅佢當然唔炒得嗌埋個芝士扭扭薯條，佢食完個牛堡嗌好飽都仲努力食埋個薯條就知個薯條都好好食。
呢個單骨雞翼熱辣辣時真係超級好食，咬開後都係有汁，唔會炸到乾憎憎，值得一試。
男朋友話食漢堡最重要係配埋手工啤，我俾佢個中文名呃左，佢叫孫悟空虎珀酒，我以為係龍珠嘅孫悟空，二話不說嗌左點知人地係monkey king🤣但味道係正嘅，有麥味但又唔會好苦，女仔都飲到。
因為佢舖頭有支裝蜜桃茶，我原本打算嗌支裝，但苦單就咁同佢講要蜜桃茶佢就出左呢杯（睇嚟要自己去雪櫃攞去埋單先會嗌到支裝）但錯有錯著，呢杯貴十蚊嘅蜜桃茶都好好飲，唔會太甜，而且有打散左嘅蜜桃肉喺入邊。
兩個人，食啲咁有質素嘅漢堡，我覺得呢個價錢係值嘅。雖然佢嘅職員態度真係不敢苟同，但係人地唔收加一，而且食物真係好食，抵你串嘅😂
Post
