Video
Read full review
2011-06-06
21 views
本來唔想寫, 但過咗幾日仍然覺得唔寫會令使多人受騙, 所以我決定花時間寫呢篇食評!話說星期六當日, 我有個台灣朋友黎咗, 佢話想試吓香港地道野食.香港地道野食有乜? 咪就係茶餐廳! 上openrice 睇, 旺角呢間最出名, 好, 就決定去呢間!去得茶餐廳, 都唔會預有咩服務態度, 但絕對冇諗過要俾人鬧!!話說佢地果度排隊係要係餐廳入面排既, 我地一入到去, 有個金毛伙記問我幾多位, 我話三位.跟住佢就指左我地企係一個位置.過左冇幾耐又問, 前前後後總共問左4次.跟住我前面啲人坐左張卡位，然後金毛又問(??!!) 我地幾位.我亦冇乜野咁再次答佢話三位.然後對答如下:金毛：三位企前啲啦!!然後我就向餐廳入面既卡位行入去, 跟住佢居然好大聲咁從後喝我!金毛: 你幾位呀?! (我: 三位.) 三位你企過黎啦!! 人地坐卡位你行過做乜啫!! 都唔關你事！我：你叫我企前啲吖嘛!金毛：呢邊先係前面吖嘛! 你行過去做乜啫!! 唉!!我：哦, 原來係咁, 多謝哂我個台灣朋友全程目擊該伙計的惡劣態度, 佢好唔開心咁同我講, 點解啲態度可以咁咗, 如果係台灣, 一早就俾啲客駡死, 這是不可能出現的情況.其
話說星期六當日, 我有個台灣朋友黎咗, 佢話想試吓香港地道野食.
香港地道野食有乜? 咪就係茶餐廳! 上openrice 睇, 旺角呢間最出名, 好, 就決定去呢間!
去得茶餐廳, 都唔會預有咩服務態度, 但絕對冇諗過要俾人鬧!!
話說佢地果度排隊係要係餐廳入面排既, 我地一入到去, 有個金毛伙記問我幾多位, 我話三位.
跟住佢就指左我地企係一個位置.
過左冇幾耐又問, 前前後後總共問左4次.
跟住我前面啲人坐左張卡位，然後金毛又問(??!!) 我地幾位.
我亦冇乜野咁再次答佢話三位.
然後對答如下:
金毛：三位企前啲啦!!
然後我就向餐廳入面既卡位行入去, 跟住佢居然好大聲咁從後喝我!
金毛: 你幾位呀?! (我: 三位.) 三位你企過黎啦!! 人地坐卡位你行過做乜啫!! 都唔關你事！
我：你叫我企前啲吖嘛!
金毛：呢邊先係前面吖嘛! 你行過去做乜啫!! 唉!!
我：哦, 原來係咁, 多謝哂
我個台灣朋友全程目擊該伙計的惡劣態度, 佢好唔開心咁同我講, 點解啲態度可以咁咗, 如果係台灣, 一早就俾啲客駡死, 這是不可能出現的情況.
其實當時如果唔係同我個台灣朋友一齊, 我一定會即走.
我入得黎食野, 我唔要求你好好服務, 但冇理由要俾人駡.
同埋一樣野好重要, 就係佢啲食物既質素, 絕對唔足以要我受佢氣!!
除咗菠蘿油新鮮出櫨脆卜卜好味之外, 啲蛋tart 根本係普通貨色, 大把餐廳好過佢, 至於杯奶茶仲離普, 啲茶味淡到呢, 完全冇水準!
又要俾錢, 又要受氣, 啲野食又唔係好食, 我下次點都唔會帶啲外國朋友來, 因為成件事真係好失禮.
茶餐廳有茶餐廳既文化, 但鬧客人就完全接受唔到!
絕對唔會幫襯, 冇下次, 最憎啲餐廳紅左之後當啲客係水魚, 食物質素下降不特止, 仲要零服務, 金華冰室絕對係呢類餐廳既代表之一, 比起澳牛有過之而無不及
Post