鹿兒島A4 和牛肩肉 $218
油花分佈平均，燒起7成熟，令油份稍為溢出，減少油膩感，肉質依然咁幼嫩，肉味油脂味香，食多幾塊都仲得。
厚切特上牛舌combo $158
市面上好難搵到高質嘅和牛牛舌，今次竟然比我遇到，呢個牛舌combo 有齊薄切同厚切，薄切可以燒到脆口，厚切就食到牛舌嫩彈口感，而且牛舌味好香，令人回味無窮，完勝連鎖燒肉店嘅牛舌質素。牛舌愛好者表示十分滿意。
明太子脆豆腐 $58
炸脆嘅油豆腐，加上幼滑明太子醬，豆香十足。
唐揚墨魚咀 $58
炸得鬆脆嘅墨魚咀，配上蛋黃醬同檸檬，一咬入去就有鮮味墨魚汁溢出，彈牙爽口。
牛匠彩虹水果茶 $68
好大杯非常足料嘅水果茶，入面竟然放左3條菠蘿冰！加入橙，檸檬，士多啤梨等鮮果粒，混合水果香味，茶香同梳打嘅清爽，配燒肉就最正。
桂花果釀四季春 $38
桂花茶上加上淡淡芝士奶蓋，芝士奶蓋口感輕盈微咸，配四季春茶底，整體感覺清新醇香，消除燒肉油膩熱氣感。
溫泉蛋味素飯
伴飯加入紫菜，櫻花蝦，蔥花，溫泉蛋，醬油，係燒肉必備良伴。
湯烏冬
鰹魚湯底加入昆布絲，蔥花，讚歧烏冬，烏冬彈牙幼滑，伴熱湯，暖和飽肚。
當我想食燒牛舌嘅時候，必定成為回頭客。
