品嚐館 (Closed)

鴨巴甸街斜路有一堆餐廳, 而呢間就係其中一間唔顯眼, 但幾好味既。lunch set 有分兩種, 一種係88蚊3個course, 一種係128蚊5個course。order左3個course既, 餐湯/沙律, main course, 飲品。南瓜湯, 帶點點creamy, 蒜蓉包好足蒜香, 均勻分布係包上。main course: 蜆意粉。真係估佢唔到, 賣相一流。每一粒蜆肉都恰到好處, 唔會太老, 蜆肉本身既味道好鮮味, 完全唔係普通貨色, 意粉加上香草, 配合得出奇地好, 軟硬適中既意粉, 中間既小蕃茄都好鮮味。88蚊就有咁好既LUNCH, 絕對係超值啦。