The Pearl

餐廳以黑色為主調。地方唔算大但係都分左酒吧區同用餐區。仲有戶外區。天氣好時坐出戶外區應該幾舒服。唔飲得酒叫左兩杯mocktail試下。first night以passion fruit配提子汁。味道清新開胃。first kiss以rose tea配蘋果汁。茶味突出飲落好舒服。😌鮮蝦煙肉意式多士。蝦肉爽口。芝士味香濃。適合作為一開始配野飲嘅小食。自家製焗蟹餅。蟹餅用料十分足。切開見到好多蟹肉。鮮味突出濕度亦都適中。一啲都唔油膩。配上紅菜頭汁味道清新。👍烤澳洲羊西冷。羊肉做得出色一啲羶味都冇。口感十分軟滑。配上印度茄子蓉。整體味道十分平衡。慢煮伊比利亞黑豚肉。黑豚肉肉味濃郁。慢煮後質感特別細嫩爽口。配合焦糖化左嘅啤梨汁。甜甜地同肉味非常合襯。薯蓉香滑有驚喜。😋食物整體味道出色。每一個dish配搭上睇得出餐廳有花過心思。職員每上一道菜都會細心講解。值得再訪。😎