Video
Read full review
2018-11-15
54 views
平時行海港城經過寬巷子已經俾佢裝修吸引，今次就約埋班friend試試。餐廳外排左一張近窗既枱俾我地，可以望到維港夜景。另外枱同枱之間好闊落，私隱度足夠。有d店員係台灣總店個邊過黎，會用普通話溝通，好有旅行feel。首先要揀鍋底。因為我地都唔係好食得辣，所以揀左美人鍋併養生白鳳。其中大推養生白鳳! 佢湯底有花膠、烏雞、鮮人蔘，超級滋補。啖湯亦因為有烏雞而非常鮮甜!食品都同樣出色。我地點左杏香野菊 (彩虹盤$168)。佢係茄子包住d蝦膠，上面再有d杏仁片同紫玉米。小心d杏仁片會容易係個湯到滾下滾下甩晒。但溫柔d煮佢，應該可以keep到原狀! 原狀咁全個食最食到個層次，因為d杏仁片仲係好脆口，同d彈牙蝦膠一齊食特別有口感。旁邊個鮮蝦雲吞($88)同樣彈牙。玫瑰松板係必點既!! 師傅將豬頸肉砌到好似藝術品咁，靚到有d咁想破壞佢。煮之前記得要淋d蛋白係豬肉上面，咁豬肉就會更滑溜。依個好似牛軋糖既野，其實係墨丸條(彩虹盤$128)。不過特別之處係佢混合左d雞軟骨係入面，所以食落口會更爽脆有咬口。我既最愛應該係菠菠糖(彩虹盤$108)! 就咁睇外表，可能以為佢係肉丸，但原來係豆皮包住d芝麻，食落好香
餐廳外排左一張近窗既枱俾我地，可以望到維港夜景。另外枱同枱之間好闊落，私隱度足夠。
有d店員係台灣總店個邊過黎，會用普通話溝通，好有旅行feel。
首先要揀鍋底。因為我地都唔係好食得辣，所以揀左美人鍋併養生白鳳。其中大推養生白鳳! 佢湯底有花膠、烏雞、鮮人蔘，超級滋補。啖湯亦因為有烏雞而非常鮮甜!
食品都同樣出色。我地點左杏香野菊 (彩虹盤$168)。佢係茄子包住d蝦膠，上面再有d杏仁片同紫玉米。小心d杏仁片會容易係個湯到滾下滾下甩晒。但溫柔d煮佢，應該可以keep到原狀! 原狀咁全個食最食到個層次，因為d杏仁片仲係好脆口，同d彈牙蝦膠一齊食特別有口感。
旁邊個鮮蝦雲吞($88)同樣彈牙。
玫瑰松板係必點既!! 師傅將豬頸肉砌到好似藝術品咁，靚到有d咁想破壞佢。煮之前記得要淋d蛋白係豬肉上面，咁豬肉就會更滑溜。
依個好似牛軋糖既野，其實係墨丸條(彩虹盤$128)。不過特別之處係佢混合左d雞軟骨係入面，所以食落口會更爽脆有咬口。
我既最愛應該係菠菠糖(彩虹盤$108)! 就咁睇外表，可能以為佢係肉丸，但原來係豆皮包住d芝麻，食落好香口。d豆皮仲要索晒d湯，好正!! 會食唔停。
最吸睛既一道菜應該係個花團錦簇菜盤($238)。又係靚到唔想整亂佢。
要自己拆個菜盤有d難道，因為佢插得幾實。不過餐廳既店員好好，會幫你拆埋，再靚靚放上火鍋上。另外要讚下d菜好甜，同個雞湯特別襯。就算好飽都忍唔住要食。
總括黎講，寬巷子完全滿足到我同部電話既食慾。同埋食物精緻得黎係有質素，服務亦都非常貼心，所以餐廳定價都唔平，一分錢一分貨吧!
Post
