御名軒

Open Now

Now Closed

今日同親戚食飯黎都天后食小菜，一出地鐵站就見到，好方便好易搵。人唔多，叫左幾個普通家常小菜。脆皮燒乳豬，皮好脆又香，肉質唔肥，切得大大嚿，用錫紙包住側邊好似雞髀咁攞住食好過癮得意。側邊伴一啲生菜沙律醬好開胃。一家人食飯最緊要有啖湯，叫咗個葛豬展湯，火喉夠，味道清甜，唔會太肥，有家嘅味道。西檸雞甜甜酸酸，醬汁唔會太濃或稀，薄切炸得均勻。上湯豆腐蛋角野菜， 湯底清甜一啲都唔油，蛋角中間有少少豬肉好香，娃娃菜吸收左湯底嘅清甜都好好食。茄汁加洲大虎蝦都好大，泡過油再炒香落醬，有陣陣蒜香。蕃茄味濃，肉厚。糖醋骨半肥瘦，送飯食最好。響茶樓食飯最開心就係有紅豆沙食，呢度嘅紅荳好大粒又起沙，唔太甜，真係我最喜愛的中式甜品。其實都係簡簡單單食幾味家常小菜，雖然味道各方面唔係好突出，但個人覺得簡簡單單都唔錯。