Ember (Closed)

Ember就黎成為我地係銅鑼灣既飯堂，未改名前已經黎，都食左幾次，一諗唔到食乜就過黎。牙買加烤雞脾 脆炸薯片 $108雞脾烤到好嫩滑，烤走大部分油分，再配左辣辣地既醬汁，一d都唔油膩，隻雞脾仲幾大隻，啖啖肉。薯片刨到絲咁薄，再拎去炸，唔似一般薯片既爽脆感，反而有d似食緊木魚絲，味道偏鹹，要送沙律食。Beef Nachos $108呢個Nachos絕對合格，首先芝士落得夠份量，舖得又匀，幾乎每一片都有芝士痴住，仲大大舊，另外加牛肉碎令味道有層次，唔係一味粟米片味道。3個醬都各有特色，蕃茄莎莎清新得黎有d辣，帶d刺激。Sour cream就中和油膩感，牛油果蓉好滑。烤德國鹹豬手 $238大大份好抵食，酸菜同薯條都多，豬手肉質鹹香幼嫩，外皮薄得黎炸得香脆，連皮既膠質唔會過多太漏。Pop Punch $70好清新，好重奇異果同青瓜味，食heavy味既時候飲好夾。Music Tower $70d菠蘿切條好似薯條咁，又甜又多汁，菠蘿味道好出，反而無乜芒果味。2個人食左700蚊左右，坐成晚，9點開波又有live band，係銅鑼灣食餐飯可以坐幾粒鐘唔催你走既餐廳真係無乜。