Video
Read full review
2024-11-28
754 views
第3站．聚會好去處，抵食又輕鬆位於旺角洗衣街金雞廣場嘅「第3站」可以話係一間非常適合朋友聚會嘅餐廳一入到去，唔單止有舒適嘅座位成間店都係放鬆休閒嘅氛圍，仲有board game同電視打發時間一流食物選擇多樣化，套餐價錢親民食物質素亦有一定水準，總之係「食得開心，玩得盡興」。飲品篇OREO 曲奇奶昔朋友一致推介嘅OREO奶昔，奶昔濃稠但唔會過於膩口，帶住OREO嘅甜香輕輕攪勻甜度恰到好處未至於甜到「漏」，又可以滿足想食甜品嘅嘴刁朋友奶昔仲加咗鮮忌廉，飲落有一陣順滑感表現幾出色熱柑桔茶另一杯就係偏暖心路線嘅熱柑桔茶適合唔想飲太甜嘅朋友柑桔茶清新，有一陣天然果香味有少少酸酸甜甜嘅微妙層次飲完令人覺得幾舒服主食篇卡邦尼煙肉雜菌意粉食卡邦尼其實好睇師傅嘅手勢今次呢碟煙肉雜菌意粉整得幾唔錯意粉口感香口但唔油膩，配搭香滑嘅卡邦尼醬令到每一啖意粉都掛住濃郁嘅味道。雜菌部分亦有驚喜，啲菇香加咗少少層次感唔會覺得淨係蛋味重頭戲份量剛好，令人回味煙三文魚忌廉番茄醬意粉相比之下，煙三文魚意粉就多咗幾分豐富感三文魚係微微煙燻過，入口鹹香帶點油脂感同酸酸甜甜嘅番茄醬結合得幾match醬汁夠濃夠滋味，忌廉用得幾剛好
位於旺角洗衣街金雞廣場嘅「第3站」
可以話係一間非常適合朋友聚會嘅餐廳
一入到去，唔單止有舒適嘅座位
成間店都係放鬆休閒嘅氛圍，仲有board game同電視
打發時間一流
食物選擇多樣化，套餐價錢親民
食物質素亦有一定水準，總之係「食得開心，玩得盡興」。
飲品篇
OREO 曲奇奶昔
朋友一致推介嘅OREO奶昔，
奶昔濃稠但唔會過於膩口，帶住OREO嘅甜香
輕輕攪勻甜度恰到好處
未至於甜到「漏」，又可以滿足想食甜品嘅嘴刁朋友
奶昔仲加咗鮮忌廉，飲落有一陣順滑感
表現幾出色
熱柑桔茶
另一杯就係偏暖心路線嘅熱柑桔茶
適合唔想飲太甜嘅朋友
柑桔茶清新，有一陣天然果香味
有少少酸酸甜甜嘅微妙層次
飲完令人覺得幾舒服
主食篇
卡邦尼煙肉雜菌意粉
食卡邦尼其實好睇師傅嘅手勢
今次呢碟煙肉雜菌意粉整得幾唔錯
意粉口感香口但唔油膩，配搭香滑嘅卡邦尼醬
令到每一啖意粉都掛住濃郁嘅味道
。雜菌部分亦有驚喜，啲菇香加咗少少層次感
唔會覺得淨係蛋味重頭戲
份量剛好，令人回味
煙三文魚忌廉番茄醬意粉
相比之下，煙三文魚意粉就多咗幾分豐富感
三文魚係微微煙燻過，入口鹹香帶點油脂感
同酸酸甜甜嘅番茄醬結合得幾match
醬汁夠濃夠滋味，忌廉用得幾剛好
冇令整碟麵變得過份heavy，反而係帶出柔滑嘅口感
份量多，但太好食，好想再多d
小食篇
蜜糖芥末單骨雞翼
雞翼係必試之選！首先係賣相已經幾吸引
雞翼炸得外脆內嫩，啲蜜糖芥末醬係靈魂所在
甜中帶酸，仲有微微嘅芥末辛辣味，幾平衡
單骨設計非常貼心，方便食用
同朋友邊食邊傾偈，真係啱晒！
甜品篇
藍莓芝士蛋糕
藍莓芝士蛋糕睇落好普通，但一試就發現有驚喜
芝士味香濃但唔會太膩，加上藍莓醬酸酸甜甜嘅味道
做到幾好嘅平衡感
蛋糕質地細膩，入口即化。食完覺得好滿足
朱古力蛋糕
朱古力蛋糕質地稍微偏dense
朱古力味雖然濃，但可能少咗啲變化
同藍莓芝士蛋糕比就冇咁突出
不過，如果你係朱古力控，呢個蛋糕都值得一吃
餐廳：第3站
地址：旺角洗衣街39號金雞廣場25樓08-09室
Post
