麵麵 (Closed)

旺角多嘢食就大家都知，今日我嚟到呢間餐廳食午餐。我哋一行二人叫咗兩個餐，第一個是咖喱汁忌廉烏冬配吉列豬扒，忌廉擺上烏冬面好有睇頭，咖喱汁配烏冬十分惹味。第一次食用魚肉做嘅烏冬，第一啖第二啖有口感，好特別好得意，充滿食肉嘅感覺。第二個餐係牛肉清湯魚烏冬，湯底好清甜，唔覺有落味精。呢間餐廳最出名嘅就係魚烏冬，當然主要是叫呢樣野啦，但是魚烏冬頭一兩啖就好特別好有口感，再食多幾啖就會發現普通烏冬食得更長久，因為肉制烏冬好易會濟。，另外我哋叫咗個明太子蝦餅，食落有啲似越南小食！仲嗌左一杯花茶同埋一杯忌廉凍咖啡，整體上也可以接受，不過不失！