渝味曉宇重慶老火鍋 (太子集團中心) (Closed)

天氣轉凍，緊係嚟翻個麻辣火鍋啦！尖沙嘴太子大廈呢度有唔少餐廳，我地發現原來有間重慶麻辣火鍋，因為未試過，所以就幫襯吓。餐廳裝修幾精緻，湯底都有幾個選擇。我地呢d唔洗太食得辣既，緊係嗌鴛鴦鍋啦，一邊係麻辣、一邊就係芫荽皮蛋。唔好話我傻，我覺得d皮蛋好好食。另外見到d好明顯係食辣老江湖既人嗌麻辣九宮格，九格既鍋有九種辣度。一睇就知佢地媽，辣得好過癮呀！食材選擇好多，而以中國既邊爐嚟講，海鮮既選擇都唔少。所有嘢可以半份咁嗌，啱晒兩個人嚟食。食材品質唔錯，雖然份量如果多翻d就會更好。另外服務都唔錯。