我武者羅 (Closed)

第一次寫食評，所以決定去食自己最鍾意食嘅日本野。午飯時間，1個人又唔知食咩好，喺沙田見到間未食過既拉麵就想試下。呢間拉麵選擇唔多，但幾特別。最後決定食淺蜊潮拉麵，其實即係蜆，另外再加個餃子。先講拉麵：拉麵有蜆，雞肉，麵，湯，配料。拉麵嘅湯底非常濃郁，加左蜆去煮，所以幾清甜。麵身就偏軟，味道無咩特別，正常嘅拉麵。拉麵入面既蜆都好食，亦無沙。而雞肉就一般，應該無乜落調味料去整，所以無咩味。而餃子：餃子皮唔會過厚，不錯。而餡料都係無太大特別地方。好嘅地方係煎完嗰面嘅皮好脆，令到個餃子加分。