八幡屋涮涮鍋 (Closed)

八幡屋放題經已試過幾次，但原來打邊爐一樣幾出色！今次都係多得朋友提醒，先不至於錯過呢個「邊爐聚腳點」！｜豬骨濃湯火鍋｜奶白色湯底，加熱後散發出陣陣豬骨香！當然就比唔上媽咪靚湯，但以出街打邊爐嘅質素嚟講，算中中挺挺，起碼真心食到有豬骨，湯底亦都有濃香豬骨味！｜嚴選黑毛和牛｜單睇賣相，色澤鮮亮，紅白分明，脂肪分佈令人單睇都超著迷！不用懷疑，入口脂肪部份即溶於舌，牛肉騷香、味濃！令人想像唔到薄薄一片都有如此威力！