牛匠石燒 (Closed)

事因我話天氣凍想食火鍋or燒肉，朋友就介紹依間。餐廳提供一次性圍裙，店員會幫手換火種，都幾有風味！石爐上放牛油紙，就算燒焦左換一換牛油紙就得！牛匠極上盛盒有牛有雞有豬一口牛全盒最要pay attention，不時反唔同面，唔係就會過老嫁啦！牛胸腹肉油脂風味濃厚同油脂細緻，油香係口。封門柳燒耐左都唔變韌。牛小排同牛肋骨肉就骨味重啲。M9牛胸肉同鹿兒島A4和牛肩肉最好味！嘻嘻，特別係A4，油脂分布得好好，入口有溶化嘅感覺。鹿兒島無激素雞頸肉估唔到又幾好食，雞味幾重，軟熟。西班牙黑豚包蒜片生菜一流，其他肉類配都好食！生食會多一層「辣」，放落去燒就多層肉油脂。湯烏冬幾彈牙，海帶清熱。另外一碗係味素飯配溫泉蛋，建議食飯，哈哈！唔單止有紫菜，仲有啲櫻花蝦乾，好惹味。麵豉湯玉子豆腐既麵豉湯！特別少見！牛匠彩虹水果茶菠蘿、檸檬、熱情果、西柚、士多啤梨、橙、藍莓和薄荷葉！菠蘿可以夾出嚟，最後拎黎燒菠蘿！水果真係勁多料，超值！芝士奶蓋四季春佢個芝士奶蓋嘅芝士味道比較日式牛奶啲，重奶味，新穎嘗試。甜品哈密瓜