Video
Read full review
2025-06-06
386 views
《璞 - 尖沙咀》平時去M+睇完展覽，都會行返過去ELEMENTS搵嘢食，今次睇完畫展後決定留返喺西九睇吓呢邊有咩好嘢食😋同行長輩友人話可以試吓呢一間中菜，見餐廳裝修好有氣派，睇落都係啲高級中菜館😌咁啱過兩個星期又到父親節，一於探吓路睇吓呢度啲嘢啱唔啱我家父親大人食啦🤫普遍見到啲人都係食點心居多，聽講呢度嘅點心精緻得黎味道都唔錯💪🏻但係我又想試吓佢哋嘅小菜，所以兩個人每樣都點咗少少試吓啦🤗前菜小食有炒腰果同埋黑松露菇菌，好欣賞佢個茶係用蠟燭座熱住，一路飲個茶都仲係熱的💁🏻♀️銅窩辣子烏雞 $398餐廳經理推介呢一個辣子烏雞，平時食辣子雞通常都係用普通黃色嗰啲雞製作，呢一度咁重本用烏雞😍味道其實唔算好辣，就算唔食得太辣嘅人都接受到，最好嘅係完全冇食到有骨，基本上啖啖肉同埋炸得好香脆，雞皮脆卜卜仲有一陣香料嘅味道，份量都幾多，最啱叫嚟送啤酒👍🏻💁🏻♀️蜜餞西班牙黑豚肉叉燒 $268人氣推介嘅西班牙黑豚肉叉燒，用炭爐送上，錫紙上面有大量嘅蜜汁，用嚟送飯應該好惹味😋啲叉燒肉半肥瘦嘅狀態，可以用紫蘇葉包住叉燒嚟食，食落冇咁油膩之餘，仲多咗一陣紫蘇嘅香氣😌呢一個配搭好新鮮，以後食叉燒都可以考慮配埋
平時去M+睇完展覽，都會行返過去ELEMENTS搵嘢食，今次睇完畫展後決定留返喺西九睇吓呢邊有咩好嘢食😋同行長輩友人話可以試吓呢一間中菜，見餐廳裝修好有氣派，睇落都係啲高級中菜館😌咁啱過兩個星期又到父親節，一於探吓路睇吓呢度啲嘢啱唔啱我家父親大人食啦🤫
普遍見到啲人都係食點心居多，聽講呢度嘅點心精緻得黎味道都唔錯💪🏻但係我又想試吓佢哋嘅小菜，所以兩個人每樣都點咗少少試吓啦🤗前菜小食有炒腰果同埋黑松露菇菌，好欣賞佢個茶係用蠟燭座熱住，一路飲個茶都仲係熱的
💁🏻♀️銅窩辣子烏雞 $398
餐廳經理推介呢一個辣子烏雞，平時食辣子雞通常都係用普通黃色嗰啲雞製作，呢一度咁重本用烏雞😍味道其實唔算好辣，就算唔食得太辣嘅人都接受到，最好嘅係完全冇食到有骨，基本上啖啖肉同埋炸得好香脆，雞皮脆卜卜仲有一陣香料嘅味道，份量都幾多，最啱叫嚟送啤酒👍🏻
💁🏻♀️蜜餞西班牙黑豚肉叉燒 $268
人氣推介嘅西班牙黑豚肉叉燒，用炭爐送上，錫紙上面有大量嘅蜜汁，用嚟送飯應該好惹味😋啲叉燒肉半肥瘦嘅狀態，可以用紫蘇葉包住叉燒嚟食，食落冇咁油膩之餘，仲多咗一陣紫蘇嘅香氣😌呢一個配搭好新鮮，以後食叉燒都可以考慮配埋紫蘇葉👍🏻
記住食埋底下嘅蜜餞黃豆啊，同樣都係送酒一流嘅小食💁🏻♀️松茸菊花豆腐 $198
平時喺電視節目就見得多，估唔到呢一度都有呢一個手工菜式，佢個菊花豆腐一睇就知好刀功，切到勁幼但係又唔會切斷啲豆腐絲，個豆腐質地好幼滑，好似食緊豆腐花咁🤩而呢道菜個精髓一定係個湯，用咗松茸熬煮，望落好清澈，但係飲落就知用料十足，有紅棗、枸杞嘅香氣，配埋個豆腐視覺上同埋味道都一流
💁🏻♀️芥末咸水角 $68
點心方面，我哋揀咗一個視覺上睇落好特別嘅鹹水角，做到成粒啤梨咁仲要係綠色的，入面放咗芥末醬嘅豬肉餡，外皮有煙煙韌韌嘅感覺，旁邊塊菠蘿乾甜甜地可以用嚟解膩
💁🏻♀️瑪瑙蝦餃 $78
另外一個點心就當然要試佢個蝦餃啦，外型上一流，外皮上面塗咗一層綠色同黃色，睇落好colorful好適合打卡，蝦餃入面有豬肉嘅油香，趁熱食會有煙靭彈牙嘅感覺
Post
