老媽拌麵 (荃灣廣場) (Closed)

小妹孤陋寡聞，一直都只係見過老媽拌麵方便裝，唔係親眼目睹都唔知原來連實體門市都開埋決定試試佢，睇吓人地煮嘅係咪香啲好味啲湯麵拌麵各有六款選擇，終於食到調味包以外嘅配料，唔洗腦補都有配菜送麵食～多款充滿台灣風味嘅滷水小食。餐廳支援人手或電子下單，喺近期疫情下保持距離更令人安心堂食。惠顧主食可加$18加配茶飲或$28轉特飲，有黑糖珍珠鮮奶茶，茶底茶味偏淡，但勝在黑糖夠香，珍珠都有咬口金羅漢果本身清甜解渴，加咗海底椰感覺更滋陰養身。牛筋外觀晶凝剔透，如想像般稔軟彈滑，口感充滿膠質，滷水汁偏甜不濃鹹，正合我口味。豆乳香香雞原來係鹽酥雞配上腐乳醬，朋友話蘸咗醬料有助袪除炸物油膩感；但皆因我怕腐乳反而偏好單吃。外層炸得薄而鬆脆，調味啱啱好，唔似當地/豪大大咁鹹，入口雞味更突出～雞肉選用雞柳部位，瘦而結實有口感。主角拌麵～第一次嘗試用蕃茄蛋撈麵，無諗過又幾開胃，蕃茄蛋同其他台灣菜一樣偏甜，如果蕃茄再多啲就更好。關廟麵粗厚帶嚼勁，略硬，比幼麵更掛汁更有飽足感。朋友點嘅係招牌花雕雞湯麵，味道偏濃；雞件頗多、有六七件，經滷製入味但唔老或鞋口，但醬油香比酒香更濃厚，有啲喧賓奪主