8度餐廳

前幾日去左8度海逸酒店試試個芒果下午茶，佢哋係用菲律賓呂宋芒，望到個tea set已經覺得色彩鮮豔，令人胃口大增！首先食鹹點，蟹籽卷同蝦沙律加入左芒果，都算夾得埋。芝士肉醬焗薯蓉同芝士火腿牛角包就不過不失。最令人意外係件脆香雞翼，外皮炸得鬆脆裡面雞肉又唔乾身，有驚喜。到甜點，鬆餅就比較普通，唔夠牛油味同冇果醬。芒果班㦸同蛋白卷都十分輕盈鬆軟，比出面平時食到嘅更上一層樓。當然最後就係得獎嘅芒果拿破崙，酥皮脆口，忌廉超滑，拼搭一流。芒果分量一啲都唔少，又夠新鮮，每位$168仲有65折優惠，正！