河畔強記雞粥海鮮酒家 (Closed)

強記去年吃過，相當抵食，不過食親都成百五以上埋單，對於我呢0的日日出街食飯既人唔太划算。周四同工友兩個來呢度食晚飯，咁岩坐低仲有電視睇，岩哂電視精﹗星期四原來竹笙翅大特價，$68賣$18，咁鬼抵當然唔理一人一碗先啦﹗鮑魚雞粥待應阿姐姐推介，12蚊窩，又係無理由唔叫﹗再加多個晚飯孖寶海鮮餐，魚蝦蟹咩都有，我地就清清地要了蒸蓉粉絲扇貝，再加多個白飯魚煎蛋﹗竹笙翅用大碗裝，都幾鬼大碗，見到竹笙、瘦肉、有0的雞絲同埋翅針等，翅我當然唔識分是真定假啦，見到翅針份量都不少也許是碎翅吧，不過碗野味道幾濃郁香甜，食完亦唔見口渴，18蚊碗過下心癮同口癮都很不錯﹗鮑魚雞粥用鍋上，不過個鍋係唔熱的好明顯是煲完落入去，粥底幾綿身不過無咩雞同鮑魚味，雞件反而有成四五件，鮑片就比我搵到兩大片，是足料卻未入味，幸好味道還可﹗$12夠足料都沒有其他要求了﹗白飯魚煎蛋夠哂大塊，蛋煎得不老外脆內半熟，白飯魚份量夠多真係啖啖都有幾條，十分香口，用黎送粥是不錯選擇﹗最後的是蒸蓉粉絲扇貝，一客有四粒，碟就大喇扇貝就比較細，金蒜夠多連蒜吃相當惹味，扇貝彈牙亦鮮味，粉絲其實是呢個菜既其中一個靈魂，如果有更多會更好﹗叫做四個菜，埋單