蟹點

Open Now

Now Closed

今日好天約朋友行山，行左個小星既級數～南朗山，行完山到鴨脷洲食午餐，見到有個像外國的Fish Market 既原來係一座街市，1樓全層的是餐廳-蟹點，除了室內寬敞座位，仲有啲戶外座位添。餐廳裝修以白藍色地中海風情感覺。餐牌真係好多選擇，有非常吸引的海鮮、多款的泰國菜、中式小炒、潮州打冷，真係望住都有選擇困難症。一見牆上相片，被招牌白胡椒蟹$59深深吸引住，上枱時以鐵板上，店員幫忙灑上白胡椒醬汁，餐廳準備好圍裙，真體貼，見到隻蟹好大隻，大約1斤半，先食蟹身，肉質一絲絲，勁鮮甜，中間還有蟹羔，好香濃，即時想起之前去新加坡食的味道及感覺，非常有水準，仲見到超大嘅蟹鉗! 啖啖肉好滋味呀！黃金蝦($98)  即係鹹蛋黃炸蝦，見到大量鹹蛋黃，起沙，好香，另外叫了客蒜蓉包($38) ，本身蒜蓉好香，加上超級香脆外皮，再沾上鹹蛋黃醬，好好味。埋單仲發現下午冇加一，超抵食。