心之食堂 (Under Renovation)

今日同個女去咗銅鑼灣Sogo買禮物送比人地阿媽生日。行到咁上下，去咗百樂中心搵食。由於我地比較鐘意試新嘢及支持小店。所以最後揀咗12樓嘅“心之食堂”。裝修係日式居酒屋。再睇吓餐牌，食物種類都幾多。價錢亦唔貴。原條鰻魚石鍋飯$118鰻魚燒得剛剛好，又唔會有好多小骨。飯質軟綿綿，飯底有少少飯焦。所以好香好好味彩虹卷$68炸蝦，蟹籽，青瓜，牛油果，魚鬆粉，黑魚籽，紫菜。胡椒豬骨煮蜆湯$78呢個配搭好特別，胡椒多數係配豬肚。但心之食堂就用胡椒配豬骨湯煮蜆。味道果然好夾，胡椒味濃得嚟又唔辣。而且令到蜆更加有鮮味。我飲咗好多湯。正呀！👍👍鐵板豆腐$48有4件豆腐，配上一個酸酸甜甜醬汁。豆腐滑嘟嘟鹽燒雞翼$48有2串，每串有2隻。雞肉燒完保持肉嫩。不過我就覺得鹽嘅分布唔平均，所以食到一邊冇味，一邊就比較鹹黑松露帆立貝串串$481串有2粒，帆立貝邊用咗一片薄薄蘿蔔包住而且多大大粒，好厚肉，好鮮甜海膽$58海膽用一隻細酒杯裝住，有4片紫菜。底部有少少沙律菜。海膽鮮甜夠creamy。