心之食堂 (Under Renovation)

Happy Friday, 當然要搵間餐廳同朋友吹下水食下飯。朋友提議去Cwb食日本野，上Openice 搵咗間食評不錯的曰式餐廳，非常有驚喜，吹水食野的好地方。我地一去到，老闆娘服務好好，好詳細介紹D食物。佢介紹左個牛肉壽喜鍋，入面有肥牛，金菇和冬茹。而且肥牛，肉質嫰滑，價錢只係108元，性價比很高。我同朋友想食串燒，叫左燒鷄腎串，火喉控制得很好。蟹肉忌廉餅，外層炸得香脆可口，餡料味道好鮮甜。心之蛋卷，係呢度招牌菜之一，聽個名已甜到入心，食落囗，很香很滑。登登登，又係我最鍾意食的日本粟米和燒番薯。唔使講，我一定食到停唔到口。食飽飽，食理芝麻雪糕和綠茶雪糕作為甜品。當然唔少得飲品，點咗巨峰提子汁和熱生薑茶。呢個凍凍地的天氣，飲熱薑蜜就啱晒。