心之食堂 (Under Renovation)

今日行經銅鑼灣，即刻上網搵吓有咩好食！今次嚟到心之食堂，大概八點幾嘅時間，滿座率都幾高，好彩唔駛等就有得入去坐。雖然店舖唔算好大，但係都見到裝修幾特別。感覺以單車做主題嘅日式料理。我哋首先點左一個鰻魚石鍋飯。成條饅魚好厚身 而且燒得熱辣辣，飯量十足，醬汁同埋個飯調味啱啱好，加上石鍋飯會有飯焦，呢個真係好推薦，價錢仲要唔使$100，好抵呀！呢個豆腐都幾好食，可以算係第一次喺日式料理店食豆腐，加上調味鹹鹹甜甜，可以一試。呢個魚生愛心飯真係超級推薦！我覺得絕對係必食之選！價錢相宜之餘魚生好新鮮，仲要有成層蟹子夾雜左係飯嘅中間，令人回味無窮。當然去到料理店，都要試吓啲特色野。呢一個帶子鵝肝包，都只係$38，入口好有層次感，鵝肝煎得有油脂香，加上新鮮帶子同少量沙律菜，一定要試！