良記餐廳(老鳳冰室) (Closed)

今日要同老公去深水埗買電話卡，所以佢就搵下有咩好食，點知搵到間又懷舊又好味的茶餐廳！一去到一點左右，等左一分鐘就入座，雖然裡面唔大，但係個裝潢的確要讚，連個牙簽筒都襯埋，背景音樂都係70年代的歌，好用心打造，老公話要介紹老爺黎食添！講食物方面，我無特別點必食推介，自選左蜜焦薯仔牛柳飯，薯仔用蜜糖整左一層焦糖在面，仲脆的，連埋好冧的牛柳，好味！如果無咁多蜜糖汁就更好！檀香咖啡都幾香同滑。老公的波波奶茶就好正，波波就係兩粒奶茶雪的冰波，冰溶都唔會淡安格斯牛腩炒河中的肉好冧，河粉似陳村粉，好多層，連個汁一絲絲咁食，都唔錯！