Greyhound Café (國際金融中心) (Closed)

星期五悠閒午後～反正做野咁岩經過，不如食件蛋糕先繼續工作吧同同事比Menu上面嘅千層蛋糕吸引左入去⋯咁岩坐正有海景嘅位置，加分～可惜唔記得影低。🌟泰式奶茶千層蛋糕：層次分明，每一層嘅材料都分布得好平均，奶茶味道相當濃但唔會太甜。建議另上果杯奶茶漿唔好全部落晒，如果落晒就真係會太甜。🌟斑蘭千層蛋糕：呢一個蛋糕我就覺得麻麻地，甜左啲。個人認為泰式奶茶嗰個比較好食。不過佢啲千層蛋糕質素都相當穩定，一層cream一層蛋，每一件分布都好平均，唔會一層好多cream另一層就無乜。口感中上級。因為本身已經同同事食咗午餐，所以無試佢啲熟食。見隔離枱嗰啲個樣唔錯，應該都可以一戰。