名館 (Closed)

同朋友喺銅鑼灣行街行到晚飯時間，朋友想食中餐，見呢間幾多好評，又因為早所以唔洗等位，咁就試下佢啦。我地被安排坐高枱面向街，之後發覺原來仲舒服，又高私隱，又有街景睇。佢地杯茶都好特別，係炒米茶！！飲落好香，個人覺得有啲消化餅味，會不自覺咁飲多幾杯茶。厚切叉燒王 - 厚切得黎唔靭，蜜汁都夠，所以食落甜甜蜜蜜。蜂蜜柚子蝦球 - 蝦球炸得好好，脆漿好薄。再用韓國啲柚子醬炒，食落幾開胃。石窩飽魚雞粒炒飯 - 個飯炒得好有鍋氣，炒得又乾身。法式焦糖燉蛋 - 雖然係中式餐廳，但呢個燉蛋都算合格。焦糖燒得脆，燉蛋唔算好甜。整體而言，環境舒服，服務都好，會不停幫你斟茶。亦唔會因為繁忙時間而趕你走。