四季良晨 (新都城中心) (Closed)

食物與環境都值得一讚依間台灣餐廳成日都好多人幫襯，今日終於有機會幫襯一下，搵左位之後就記得枱號，去反門口度落單，依度其中一個好處係唔使加一服務費，係商場餐廳黎講都幾難得，變相又平左。咁佢有晚市定食套餐配原盅燉湯，亦都有台灣面。咁我就揀左鹽酥雞排面，加碟小黃瓜做小食。野食都好快就送到黎，食物份量多，幾抵食，而且味道都唔錯，鹽酥雞排外皮都仲係幾脆，雞肉嫩滑。小黃瓜不過不失。另外都要為環境加分。雖然可以稱得上係快餐店，但裝修絕不馬虎，有台灣味道，而且環境都幾乾淨。