寬巷子 (Closed)

店舖坐落於海港城，可以一邊望住維多利亞港，一邊享用晚餐，侍應親切有禮，服務態度好，火鍋架設計特別，係一間好有特色台式火鍋嘅餐廳。醬料滷香牛筋已經煮好左既滷香牛筋，可以即食，等緊湯滾之前可以食幾塊，開開胃。剝皮椒蛤蜊雞鍋鍋底由滑雞，蜆，同剝皮椒整成，湯底充滿蜆同雞既甜，再由剝皮椒吊味。湯滾時可以飲幾口湯，感受湯的鮮味，之後就可以開始打邊爐啦！綜合肉類盛合 黑豚肉+羊＋玫瑰枝香黑豚肉五花腩，羊肉，脂肪瘦肉比均勻，煮出黎唔會韌，最後玫瑰技香係由豬頸肉砌成既花，煮熟後，口感爽脆。牛肉壽司滑上菜既時候外觀好似壽司，其實係牛肉整成肉醬，上面放上一片牛肉，扮成壽司，如果唔係店員阻止我，我已經一下子放入口。😂鳳梨酥手工豆腐，鮮蝦，豬肉，花枝滑等組合而成店舖既新推介，放入鍋入面煮4分鐘就可以食，店員會比一個4分鐘嘅漏斗計時，煮熟咗嘅口感有啲似食鳳梨酥。花團錦簇蔬菜種類包羅萬有，全部集合係呢個花團，想食菜的話，叫佢就岩晒啦，入面有生菜，娃娃菜，蓮藕，金針菇，冬菇......寬巷子玫瑰水果茶（壼）寬巷子推薦水果茶，味道香甜，可以解油膩，食火鍋時飲就啱晒喇！