The BASE (Closed)

一見門口格局都知呢間西餐廳走文青簡約風，只有黑白灰啡四個色調。門口左手邊有個open嘅coffee corner，正前方有個露天用餐區，但就無咩景好睇喇，始終餐廳位於工廠區，四面都係工廠大廈。而室內用餐區大概能容納四、五十人左右，都算闊落。全個餐牌都係西餐，有意粉，意大利飯，漢堡包等。每張枱嘅枱面都有一大食瓶薄菏茶，任飲唔嬲，清清涼涼，幾岩夏天飲。當日點左個煙肉牛肉芝士漢堡，菠菜芝士意大利飯。賣相一流㗎，但漢堡個免治豬肉就稍為過熟，不過味道不錯，薯格又夠脆。個意大利飯都好食，又唔膩。會再去食～～