睇圖細細碗，真係得一碗飯，男仔嘅話可能唔夠食。，珍珠配上魯肉汁，味道係鹹鹹地。口感方面，煮到好淋，食落黏口，同珍奶珍珠彈牙嘅口感截然不同。除咗主角珍珠，飯配有有糖心蛋同肉鬆，口感豐富。雖然細碗，但料足夠餸成碗飯食。個人認為幾得意，但隔離枱正常魯肉飯更吸引。朋友見我冇肉食，比咗件牛腩我，正常入味牛腩。
最正嘅甜品叫咗仙草3號，有布丁。兩人share，當飯後甜品剛剛好。布丁比較挺身，大大粒嘅芋圓入面有芋頭蓉，材料好豐富。仙草亦唔會太甜。係一個好滿足嘅甜品。
溫馨提示：落完單先知，原來珍珠滷肉飯冇得加錢以優惠價叫飲品，需要比正價。
