213
24
20
6-min walk from Exit A1, Tsuen Wan MTR Station continue reading
All Branches (2)
Telephone
35946658
66072360 (whatsapp)
Opening Hours
Today
12:00 - 21:00
Mon - Sun
12:00 - 21:00
Payment Methods
Cash
Number of Seats
23
Review (276)
Level4 2021-05-05
0 views
今日我遠赴荃灣,目的只有一個,就係食到近期打卡名物 - 芋見紫薯吐司!我大約12點左右嚟到你妳,不過餐廳已經滿座,好彩最後只係等咗5分鐘😝餐廳裝修與眾不同,以比較罕見嘅紫色為主,營造出與別不同既浪漫氛圍💜- 芋見紫薯吐司賣相呈現雙層紫色餡料(芋泥同紫薯),入面嘅餡料份量好多,一食就咇啲餡料出嚟🤣,芋泥同紫薯都非常綿滑,加上烘左底既吐司,整體口感層次非常豐富。- 古早味炸雞卷雞件唔會炸到好乾仍然juicy,雞皮同雞肉亦冇分離,雞皮亦炸到卜卜脆。- Super Mix (大大份)台灣甜不辣加地瓜番薯條就係餐廳既super mix🤩!客人可以選擇甜不辣既酥脆度,甜不辣香脆中帶煙韌,至於地瓜番薯條同樣香脆,而且香甜唔油膩。- 仙草三號配料有三色芋圓、包餡芋圓、布甸同水晶。三色芋圓幾煙韌、水晶就非常爽口,不過整體太甜,而且芋圓有少少粉🤭- 炭焙可可珍珠奶茶跟餐加$10就可以有特色飲品😍,珍珠相當彈牙,味道整體唔算太甜,伴隨淡淡的可可味。芋見紫薯吐司的確IG打卡一流,味道仲出乎意料之外好食,其他炸物都出色👍🏻 continue reading
(The above review is the personal opinion of a user which does not represent OpenRice's point of view.)
Level4 2021-05-04
0 views
自從疫情後,已經有一年沒有旅行到訪鄰近東南亞國家品嚐地道的美食,偶然想食台灣/日本/韓國/馬來西亞/越南/泰國野等等,唯有在網上不停尋寶,都可以搵到一些用心又有地道味道的餐廳,這間荃灣的你妳帶點驚喜。肉鬆芋泥($40),芋泥食得出是嚴算新鮮芋頭製作,食落有綿密感覺、芋頭的清香,芋頭沒有加上任何的調味,多士烘得熱辣辣,夾上滿滿的肉鬆,食落都好夠味。台灣牛肉麵配仙草奶茶($80),牛肉麵用上手工製麵非常彈牙,很好的咬口,牛肉質感好淋稔,非常美味,而且糖心蛋都好好食,值得一提的是湯底加了一些鹹酸菜,味道酸酸甜甜,非常開胃,增加食慾。夜市鹽酥拼盤($86)有四季豆、花枝丸、鹽酥雞同魚餅,好豐富,每樣都有d,好有滿足感。甜不辣 x 地瓜薯條($42),呢款非常有特式,有6種唔同口味的粉可以選擇2款,還可以選擇脆度非常特別,有3分/5分/7分脆度的選擇,非常創新,我就選了椒鹽味同味酥甘梅味,酸酸甜甜同鹹鹹辣辣帶比味蕾不同的滿足感,甜不辣口感煙煙韌韌,地瓜薯條帶點甜味,各有特色。仙草3號($46),我很期待的甜品,有小布甸、仙草、芋圓、水晶冰,賣相的色豐富,又唔會好甜,冰冰涼涼簡直消署之選。 continue reading
(The above review is the personal opinion of a user which does not represent OpenRice's point of view.)
Level4 2021-04-15
395 views
你妳 📍荃灣💛💛💛💛💛黃色經濟圈💛💛💛💛💛芋泥控最愛💜🌟- - - - - - - - - - - - - - - - - - - - - - - - - 🌟1️⃣芋泥肉鬆吐司 $40 對於芋頭控黎講,絕對係抗拒不了的☺️外層嘅吐司烘得好脆配上軟綿綿嘅芋泥😋😋肉鬆相對比較濃味,略嚴有少少蓋過芋泥味,不過就會野味d👌🏻整體偏乾,建議要配合芋泥奶食🤣2️⃣台灣甜不辣 $35呢個甜不辣有驚喜喔! 首先,佢有唔同flavour選擇,好似shake shake 薯條咁,椒鹽、甘梅、草莓、咖哩同辣味! 我揀左辣味,有d似熱浪味🤣仲可以揀脆度😂 五成脆道感覺岩岩好,外面仲脆,但入面仲煙煙韌韌👌🏻🤞🏻 口感真心一流 (個人很喜歡) 🉐🉐🉐3️⃣魯肉飯$39以呢個價錢黎講,佢算好大碗😂一個人係會食唔曬🥱魯肉很夠多,可以撈曬成個飯個汁做很好濃好夠味!米係珍珠米,整體性價比很高喔!4️⃣台灣士林香腸 $45呢個係男朋友嘅最愛,食親台灣必嗌😂本身都無咩期望,諗住全部台灣腸都差唔多味㗎啦點知呢個真心幾好食好香口,好濃味,佢切嘅厚薄亦好適中最重要係佢個蒜好正!唔似外面一般咁比蒜片你佢係配左個自家蒜蓉醬,超級香!襯呢個腸更加吊起到個腸嘅香😋😋😋5️⃣芋泥珍珠小芋圓 +$18 ($39) 芋泥好多好足料☺️ 係曬個底到,要搞匀先飲喔!鮮奶好香,同芋泥真係好夾! 主要嘅係from 珍珠,所以整睇唔會太甜小芋圓其實即係唔同顏色嘅珍珠🤣 continue reading
(The above review is the personal opinion of a user which does not represent OpenRice's point of view.)
Level4 2021-04-13
242 views
之前去荃灣都見到呢間你妳好多人排隊, 食台灣野, 一直都想試下, 今次剛好長假期後反而好少人出街食, 唔使等位!!緊係要試下~餐廳用google form登記, 又幾醒目!餐廳唔大, 可能得10張枱左右, 裝修都幾糖果系列feel, 一個餐大概七十幾蚊, 我同朋友另外再點多一個小食同芋泥吐司台灣牛肉湯麵 $72 牛肉很淋很入味, 湯底清甜, 飲完都唔會覺得好口渴,麵似手工麵,食落幾有咬口~朋友叫了滷水雞扒魯肉飯,雞扒已經切好了方便進食,滷水唔會滷到好咸,淡淡的滷水味剛剛好,旁邊的魯肉唔會太肥,好野味,送飯食一流!見到旁邊都有人點芋泥吐司,當然又跟大家點,好少餐廳一到有芋泥吐司叫呢~這個芋泥肉鬆吐司都幾大份,絕對要2個人分享~芋泥唔會太甜,配住勁多份量的肉鬆,少少咸少少甜又脆口吐司,口感好多層次~小食係炸澎湖花枝丸,新鮮炸來外脆內熱,花枝丸勁彈牙,要沾上甜酸醬先係絕配~跟餐加錢要特飲:金鑽鳳梨綠茶淡淡的菠羅味加上綠茶,小清新的感覺,抹茶奶綠珍珠 點了少甜少冰,食完最啱就係飲杯珍珠咬下~每樣野食都有水準,價錢唔貴,難怪平時都要排隊等位啦~ continue reading
(The above review is the personal opinion of a user which does not represent OpenRice's point of view.)
Level4 2021-04-10
243 views
朋友話想食呢間人氣餐廳好耐啦,就今晚放工黎試下佢。我地有主場之利,係荃灣一放工即刻衝過黎,六半左右到達未使等位。呵呵,做到第二枱客,店員仲好好咁比左張四人枱我地呀,坐得濶落啲。餐牌實在太多野想食,左睇右睇最後點左呢啲,兩個人算唔算點得多左呢?飲品先到,點了仙草冰奶茶&芋泥珍珠小芋圓,前者微甜幾啱口味,後者嘅芋泥好香口,入面爆多珍珠同小芋圓,鍾意煙煙韌韌嘅口感就啱晒啦,其中一粒綠茶味嘅小芋圓超有綠茶味,每次一啜到個陣綠茶味就傳出黎啦。見呢樣幾得意咁就叫一份,要左台灣甜不辣五分脆+原味椒鹽粉,又真係幾脆,但甜不辣本身韌韌地,食落係幾得意㗎,薯條包裝嘅造型,份量都幾多添。本來想點珍珠魯肉飯,但原來係周末限定,改左點細魯肉飯,魯肉香口,珍珠米軟綿綿,仲有隻溏心嘅滷蛋好正。朋友點左士林香腸魯肉飯,台灣香腸真係好好味,甜甜地勁正。仲會附上呢碟蒜泥,好香嘅蒜蓉味,朋友話正到攞黎撈飯添呀。之後就到甜品時間,呢樣係朋友最想試嘅芋見紫薯吐司,爆餡勁吸引,好濃郁嘅紫薯味,飽肚之選黎噃。又點少得食番碗仙草糖水呢,點左仙草四號(三色芋圓/包餡芋圓/珍珠/荔枝爆珠),睇餐牌就寫到勁豐富,黎到完全無失望!勁多料成碗滿晒㗎,芋圓同珍珠都好有咬口,仙草香甜嫩滑,仲有荔枝味嘅爆爆珠增加口感,真係好好味。點得太多啦飽到上心口,好味又可以打卡,唔怪得咁多人排隊啦。 continue reading
(The above review is the personal opinion of a user which does not represent OpenRice's point of view.)