麵麵 (Closed)

今日lunch黎到呢間全港首創魚烏冬餐廳，裝潢特別，好有心思，位於旺角，位置便利。餐廳主打獨家自製魚麵魚烏冬，口感彈牙，魚湯濃郁，超期待！午市套餐包熱飲，跟餐小食更享有七折，而且免加一，好抵食！每份套餐都會配三款前菜，有開胃胡麻醬海苔、口感柔軟既甜蕃薯仔以及清新柚子汁大根，非常豐富！西班牙煙燻黑毛豬濃魚湯魚麵 HK$85煙燻黑毛豬份量頗多，肉質嫩滑，散發濃厚肉香，湯底清甜，充滿魚既鮮甜味。全手工製魚麵煙韌有咬口！Go Green 濃魚湯魚麵HK$68想食清淡D，呢款無肉就岩哂～鮮冬菇口感軟滑、豆腐同樣嫩滑、日本南瓜香甜、紫椰菜爽脆清甜、半熟溫泉蛋濃郁又香，非常誘人～魚麵彈牙又有咬口，魚湯清甜，營養豐富！Twins魚之脆卷HK$38魚肉春卷配墨魚春卷，炸至外表金黄酥脆，口感鮮香嫩滑，爽口而不粉，附上蕃茄粒芝麻醬，提升味道層次。明太子雞翼HK$45 拆左骨既雞翼釀入明太子，雞翼煎至外皮焦脆，一口咬下啖啖肉又有卜卜脆既明太子！魚皮餃子配柚子汁HK$48餃子皮由魚肉制成，特別Q彈，餃嫩爽口，而且內餡汁感十足，口感一流！飲品方面，揀選了一冷一熱蜂蜜柚子茶。