JUST'er Bar & Restaurant

Open Now

Now Closed

前幾去左尖沙咀，就諗住去山林道搵下食。行過見到呢間餐廳裝修得唔錯，就決定試試佢。兩個人叫左三樣野，原條燒吊筒，鬥西牛魔王x蝦兵蟹將同冰紅茶。原條燒吊筒幾香燒烤味，加上甜甜酸酸嘅燒汁，食落幾開胃，不過份量就細左d......鬥西牛魔王x蝦兵蟹將我地就揀左豬肋骨。一上枱個下真係有d嚇親，因為份量比想像中大。先講下軟殼蟹，味道都唔錯，外脆內軟。全麻皆雞即係芝麻雞翼，有驚喜，皮下嘅肉非常嫩滑。薯條都唔錯，食得出有特別調過味，唔係求其加d鹽同黑胡椒。不過，對於作為主菜嘅龍蝦同豬肋骨就好失望。龍蝦唔新鮮，加上過份烤煮，基本上係食唔出龍蝦應有嘅質感同鮮味。豬肋骨其實味道ok，都夠淋，不過就冇乜燒烤過嘅香味......冰紅茶係唔錯嘅，夠茶味，唔太甜。