Ember (Closed)

同舊同事敘舊，佢睇中呢度有live band演出夠晒relax，而餐廳設計幾有情調同時代感，位置亦坐得寬敞舒服。低溫慢煮烤法國黃油雞胸相當有驚喜的一道菜式，因為切開入面竟釀左芝士同煙肉，但食落啱啱好一啲都唔膩！而經低溫慢煮嘅雞胸，口感香滑唔鞋口，配埋迷迭香汁非常有特色~牛肉墨西哥烤餅烤餅配上三款醬汁，分別係牛油梨醬、蕃茄他他同酸忌廉醬，我鐘意點牛油梨醬，少少辣幾過癮！而烤餅烤得好脆口，同入面嫩滑juicy嘅牛肉非常match👏北海道鮮帶子煙肉意粉北海鮮帶子好大隻，煮得啱啱好食落好鮮甜！意粉加上煙肉、半熟車厘茄、芥蘭苗、蒜片，再配以鮑魚汁去炒，味道口感都均充滿層次，食落少少辣非常惹味！Music tower成個設計已經相當吸睛！開頭以為係一條條嘅薯條搭成井字型嘅塔擺設係飲品上，原來係新鮮嘅菠蘿切成！相當有心思！而飲落酸酸甜甜，充滿果香！Sleep beauty相當考功夫的一杯cocktails，入面嘅咖啡經由超過24小時嘅工序而成，果然入口香醇滑口完全無苦澀味，而咖啡配搭rum酒嘅感覺亦好match好好飲，最得意係佢加入左珍珠同面上嘅蛋白唧花，令成杯嘢充滿口感！