六十六十火鍋 (Closed)

朋友家住荔枝角，帶我去了長沙灣的六十六十火煱。好味超出預期！餐單設計很簡單，好容易就㸃了套餐，有：海鮮併盤＋6項自選生料。海鮮包括：肉蟹、鮑魚、蠔仔、鮮魷、貴妃蚌和蟶子皇。每款海鮮都分別用平凡的膠碟或金屬盤盛著，好有家的感覺！餐牌也有指示每款海鮮的烹煮時間，跟住做就OK！各樣海產都非常新鮮，蟶子皇爽囗嫰滑，鮑魚軟滑彈牙，肉蟹更加拍案叫絶！蟹味極之突出，肉質結實多汁，連帶整鍋湯底都鮮甜了！忍不住要問店員海鮮從哪兒來，原來係由流浮山直送。本地貨唔洗雪住坐飛機的確係原汁原味啲！其他生料有：西班牙梅頭肉、美國肥牛、唐生菜、花膠仔、豬肉丸和蜂巢豆腐。豬和牛都香甜，肉質軟稔容易入口。其他的生料就不過不失啦，勝在湯底有點㸃蟹的鮮甜，又加了分！食曬啲餸，仲未完，好戲在後頭。店員將白飯放入湯底拌勻，白飯吸收了湯汁上左啲色。店員好細心咁輕輕撈吓㩒吓啲湯飯，檢查有冇海鮮碎殻。最後，加埋脆米食得！湯飯香濃，有脆有軟口感極佳！令人留下深刻印象！