火赤

Open Now

Now Closed

自從搬咗office之後，都少咗出尖沙咀，難得黎到，梗係要去食好西啦。今日拉晒同事去咗寶勒巷附近既火赤食串燒，同同事吹下水。😆😆一入門口，日式燒肉既香味撲鼻而來，令人食指大動。我地坐係bar枱既一角，燈色幽暗，好有feel架。🤗🤗首先黎既係燒鱈魚乾，鱈魚乾非常薄脆，配上卡夫醬，脆卜卜好好食。😄😄之後就黎啲特別刁鑽既雞串燒。第一樣係雞食道，呢個部位好爽脆，又帶啲咬口，真係第一次食！ 第二樣係雞掌心，雞腳係我由細到大都好鐘意食既小食，而呢個部位就係佢個掌心最啖啖肉，師傅略加鹽調味，已經好出色。😍😍之後黎既係雞頸同煙肉芝士卷。雞頸都係成日運動既部位，食落有啲似細舊既雞脾肉，口感彈牙嫩滑。而煙肉芝士卷，兩樣都係好濃味既野，雖然係好食，但聽落好似好膩，但師傅係食材間加上一片紫蘇葉，加上一陣清新既味道，亦有解膩作用。😋😋講到雞內臟，今日終於試到提燈，呢樣野好考師傅既刀功同埋烹調技巧。今日師傅處理得好好，”蛋黃”保持流心，又係食過返尋味。接住黎既係我每次去食串燒必叫既免治雞肉串，雞肉入面有少少雞軟骨，增添口感，啖啖肉之餘仲加上日本雞蛋，令香氣再昇華。食完呢樣冇耐就上埋日式醬油燒飯團。師傅首先烘一烘紫