牛站(駅)麻辣火鍋放題

Open Now

Now Closed

夏天仍然要打邊爐！今次同朋友嚟到旺角牛站，兩個鐘任食邊爐，有牛有海鮮有熟食同大量飲品，最後仲有甜品！都幾抵食㗎！食物refill得好快，而且數量有好多，每樣試少少都夠晒飽！呢度落單用手機QR code好方便，而且樂園單好快就送到！啱晒餓底嘅我哋！今次我哋嘅餐有得食S R F美國極黑和牛片，份量好大片！食落啖啖肉好有口感！而且牛肉味好濃，油脂味豐富，淨係食呢一碟都抵呀！仲有得任叫添！場內有自助區仲有好多種配料，麻辣小龍蝦、台式小食、丸類、蔬菜、飲品等，而估唔到酒都有得任飲喎！清酒、梅酒、啤酒任飲！啱晒酒鬼好多選擇~今次湯底叫咗椰子雞鍋，同沙嗲麻辣鍋，湯底好多材料，椰子味好香，都有好多雞塊喺入面！沙嗲好香花生味，又唔會太辣！夏天食一清一濃湯底好好味！唔好唔記得仲有Haagen-Dazs雪糕甜品！有三款味，總有一款啱你！仲有其他布甸、仙草芋圓、蛋糕，食完飽到捧住個肚走！